ಹಬ

ಹಬಕ್ಕುಕ್ ಪರ್‍ವಾದ್ಯಾಚೆ ಪುಸ್ತಕ್

ಹಬಕ್ಕುಕ್ ಪರ್‍ವಾದ್ಯಾಚೆ ಪುಸ್ತಕ್

ವಳಕ್

ಹ್ಯಾ ಪುಸ್ತಕಾತ್ ಹಬಕುಕ್ಕಾಚೆ ಪರ್‍ವಾದನ್ ಹಾಯ್. ಹಬಕುಕ್ಕಾಚ್ಯಾ ಪುಸ್ತಕಾತ್ ಇಜ್ರಾಯೆಲಾಕ್ನಿಚ್ ಮನುನ್ ಸಾಂಗಲ್ಲೆ ಕಾಯ್ ದಿಸುನ್ ಯೆಯ್ನಾ. ಹೆಚ್ಯಾ ಬದ್ಲಾಕ್ ಹಬಕುಕ್ಕಾಚಿ ದೊನ್ ಫಿರ್‍ಯಾದಿಯಾ ಸಾಂಗ್ತಲೆ ದಿಸುನ್ ಯೆತಾ. ಅನಿ ಎಕ್ ಮಾಗ್ನಿ ಹಾಯ್. ದೆವ್ ಹ್ಯಾ ಫಿರ್‍ಯಾದಿಯಾಕ್ನಿ ಜವಾಬ್ ದಿತಾ. ಹಬಕುಕ್ಕಾ ಜೆರೆಮಿಯಾನ್ ಜಿವನ್ ಕರಲ್ಲ್ಯಾ ಎಳಾರುಚ್ ರಾಜಾ ಜೊಶಿಯಾ ಅನಿ ಜೆಹೊವಾಜಾಕಿಮಾಚ್ಯಾ ರಾಜ್ವಡ್ಕಿತ್ ಜಿವನ್ ಕರಲ್ಲ್ಯಾನ್ ಹೊವ್ಕ್ ಫಿರೆ ಮನುನ್ ಬುದ್ವಂತ್ ಲೊಕಾ ಚಿಂತಾತ್. ಖರೆ ಹಬಕುಕ್ಕಾಚ್ಯಾ ಪುಸ್ತಕಾತ್ ನಾತರ್ ದುಶ್ರ್ಯಾ ಖಲ್ಯಾಬಿ ಪವಿತ್ರ್ ಪುಸ್ತಕಾತ್ಬಿ ತೊ ಖಲ್ಯಾ ಎಳಾರ್ ಜಿವನ್ ಕರಿತ್ ಹೊತ್ತೊ ಮನ್ತಲೆ ಸಮಾ ಸಾಂಗಲ್ಲೆ ನಾ.

ಹಬಕುಕ್ಕಾನ್ ಪಯ್ಲೆ ದೆವಾಕ್ಡೆ ಫಿರ್‍ಯಾದ್ ಸಾಂಗಲ್ಲ್ಯಾನ್, ಅಪ್ನಿ ತರಾಸಾ ಅನಿ ಆಕ್ರಮನ್ ಬಗಿತ್ ರಾಲ್ಯಾರ್ಬಿ, ದೆವ್ ಅಪ್ನಾಚ್ಯಾ ಮಾಗ್ನಿಯಾಕ್ನಿ ಜವಾಬ್ ದಿಯ್ನಾ ಹೊಲಾ ಮನುನ್ ಹಿ ಘಟ್ನಾ ಲೈ ಕರುನ್ ಜುದಾಚ್ಯಾ ದೆಸಾತ್ ಚಲಿತ್ ಹೊತ್ತ್ಯಾ ಸಾರ್ಕೆ ದಿಸುನ್ ಯೆತಾ. ಜುದಾಕ್ ನಾಶ್ ಕರುಕ್ ಸಾಟ್ನಿ ಮಿಯಾ ಬಾಬಿಲೊನಾಕ್ ಇಬೆ ಕರ್ತಾ. ಮನ್ತಲ್ಯಾ ವಯ್ನಾ ಸರ್ವೆಸ್ಪರ್ ಹಬಕ್ಕುಕಾಚ್ಯಾ ಮಾಗ್ನಿಕ್ ಜವಾಬ್ ದಿತಾ. ಹಬಕ್ಕುಕ್ ಅನಿ ಎಗ್ದಾ ಫಿರ್‍ಯಾದ್ ಸಾಂಗ್ತಾ. ಕಮ್ಮಿ ಬುರ್ಸೆ ಹೊತ್ತ್ಯಾಕ್ನಿ ನಾಶ್ ಕರುಕ್ ಸಾಟ್ನಿ ಲೈ ಬುರ್ಸೆ ಹೊತ್ತ್ಯಾ ಲೊಕಾಕ್ನಿ ವಾಪ್ರುಕ್ ಲಾಗ್ಲಾ ಮನುನ್ ಫಿರ್‍ಯಾದ್ ಸಾಂಗ್ತಾ.ಮಾನಾ ಬಾಬಿಲೊನಾಚ್ಯಾಕ್ನಿ ಝಡ್ತಿ ಕರುನ್ ಹೊತಾ ಮನುನ್ ಸರ್ವೆಸ್ಪರಾನ್ ಜವಾಬ್ ದಿಲ್ಯಾನ್. ಆಕ್ರಿಕ್ ಹಬಕ್ಕುಕಾನ್ ದೆವಾಕ್ಡೆ ಮಾಗ್ನಿ ಕರುನ್, ಮಾಗ್ನಿಯಾತ್ನಿ ದಯಾ ದಾಕ್ವುಚೆ ಅನಿ ಕಾಮ್ ಕರುಚೆ ಮನುನ್ ಮಾಗ್ಲ್ಯಾನ್. ತೊ ದೆವಾನ್ ಕಳದಲ್ಲ್ಯಾ ದಿಸಾತ್ನಿ ಕರಲ್ಲ್ಯಾ ಲೈ ಕಾಮಾಕ್ನಿ ಮೊಟ್ಯಾ ದೆವಾಚಿ ಸ್ತುತಿ ಕರ್ತಾ.

ಭಾಗಾ

1. ಹಬಕುಕ್ಕಾಚಿ ಪಯ್ಲೆಚಿ ಫಿರ್‍ಯಾದ್

2. ದೆವಾಚೊ ಪಯ್ಲೊ ಜವಾಬ್

3. ಹಬಕುಕ್ಕಾಚಿ ದೊನ್ವೆಚಿ ಫಿರ್‍ಯಾದ್

4. ದೆವಾಚೊ ದೊನ್ವೆಚೊ ಜವಾಬ್

5. ಹಬಕುಕ್ಕಾಚಿ ಮಾಗ್ನಿ