Siddi Bible
ಉತ್ಪತ್ತಿ 5
ಆದಾಮಾಚಿ ಪಿಳ್ಗಿ
ಆದಾಮಾಚ್ಯಾ ಪಿಳ್ಗಿಚಿ ಚರಿತ್ರಾ ಅಸಿ ಹಾಯ್; ದೆವಾನ್ ಮಾನ್ಸಾಕ್ ರಚ್ತಾನಾ ತೆಕಾ ಅಪ್ನಾಚ್ಯಾ ಸಾರ್ಕೆಚ್ ರಚ್ಲ್ಯಾನ್. ತೆನಿ ತೆಂಕಾ ಘೊಮಾನುಸ್ ಅನಿ ಬಾಯ್ಕೊ ಮಾನುಸ್ ಕರುನ್ ರಚ್ಲ್ಯಾನ್ ತೆಂಕಾ ರಚಲ್ಲ್ಯಾ ದಿಸಾತುಚ್ ಆಶಿರ್ವಾದ್ ಕರುನ್ “ಮಾನುಸ್” ಮನುನ್ ನಾವ್ ಥವ್ಲ್ಯಾನ್. ಆದಾಮ್ ಎಕ್ಸೆ ತಿಸ್ ವರ್ಸಾಚೊ ಹೊಲ್ಲ್ಯಾ ತನ್ನಾ ತೆಕಾ ತೆಚ್ಯಾ ಸಾರ್ಕೊಚ್ ಎಕ್ ಲೆಕ್ ಉಪಜ್ಲೊ, ತೆಚೆ ನಾವ್ ಸೆತ್ ಮನುನ್ ಥವ್ಲ್ಯಾನ್. ಸೆತ್ ಮನ್ತಲೊ ಉಪಜಲ್ಯಾ ಮಾನಾ ಆದಾಮ್ ಆಟ್ಸೆ ವರಿಸ್ ಝಿತ್ತೊ ರ್‍ಹಾವ್ನ್ ತೆಕಾ ಅನಿಬಿ ಪೊರಾ ಹೊಲಿ. ಅನಿ ತೊ ನ್ಹವ್ಸೆ ತಿಸ್ ವರ್ಸಾತ್ ಮರುನ್ ಗೆಲೊ.
ಸೆತಾಕ್ ಎಕ್ಸೆ ಪಾಂಚ್ ವರಿಸ್ ಹೊಲ್ಲ್ಯಾ ತನ್ನಾ ಎಕ್ ಲೆಕ್ ಉಪಜ್ಲೊ ತೆಚೆ ನಾವ್ ಎನೊಶ್. ಎನೊಶ್ ಉಪಜಲ್ಯಾ ಮಾನಾ ಆಟ್ಸೆ ಸಾತ್ ವರಿಸ್ ಜಿವನ್ ಕರ್ಲ್ಯಾನ್ ತೆಕಾ ಅನಿಬಿ ಪೊರಾ ಹೊಲಿ. ಅನಿ ನೊವ್ಸೆ ಬಾರಾ ವರ್ಸಾತ್ ತೊ ಮರ್ಲೊ.
ಎನೊಶಾಕ್ ನ್ಹವ್ವದ್ ವರಿಸ್ ಹೊಲ್ಲ್ಯಾ ಮಾನಾ ತೆಕಾ ಕೆನಾನ್ ಮನ್ತಲೊ ಲೆಕ್ ಉಪಜ್ಲೊ. ಕೆನಾನ್ ಉಪಜಲ್ಯಾ ಮಾನಾ ಎನೊಶಾನ್ ಆಟ್ಸೆ ಪಂದ್ರಾ ವರಿಸ್ ಪತರ್ ಜಿವನ್ ಕರ್ಲ್ಯಾನ್, ತೆಕಾ ಅನಿಬಿ ಪೊರಾ ಹೊತ್ತಿ. ಮಾನಾ ಎನೊಶ್ ನ್ಹವ್ಸೆ ಪಾಚ್ ವರಿಸಾತ್ ಮರುನ್ ಗೆಲೊ.
ಮಾನಾ ಕೆನಾನಾಕ್ ಸತ್ತರ್ ವರಿಸ್ ಹೊಲ್ಲ್ಯಾ ತನ್ನಾ ಮಹಲಾಲೆಲ್ ಮನ್ತಲೊ ಲೆಕ್ ಉಪಜ್ಲೊ, ಮಾನಾ ತೆಚೊ ಬಾಬಾ ಕೆನಾನ್ ಆಟ್ಸೆ ಚಾಳಿಸ್ ವರಿಸ್ ಪತರ್ ಜಿವನ್ ಕರ್ಲ್ಯಾನ್, ಅನಿ ತೆಕಾ ಪೊರಾ ಉಪಜ್ಲಿ. ಮಾನಾ ಕೆನಾನ್ ನ್ಹವ್ಸೆ ಧಾ ವರಿಸ್ ಝಿತ್ತೊ ರ್‍ಹಾವ್ನ್ ಮರುನ್ ಗೆಲೊ.
ಮಹಲಾಲೆಲಾಕ್ ಸಾಟಾರ್ ಪಾಚ್ ವರಿಸ್ ಹೊಲ್ಲ್ಯಾ ತನ್ನಾ ಜಾರೆದ್ ಮನ್ತಲ್ಯಾ ನಾವಾಚೊ ಲೆಕ್ ಉಪಜ್ಲೊ. ಜಾರೆದ್ ಉಪಜಲ್ಯಾ ಮಾನಾ ಅನಿ ಪೊರಾ ಹೊಲಿ ಮಾನಾ ಮಹಲಾಲೆಲಾಕ್ ಆಟ್ಸೆ ತಿಸ್ ವರಿಸ್ ಜಿವನ್ ಕರ್ಲ್ಲ್ಯಾನ್. ಅಸಿ ಮಹಲಾಲೆಲ್ ಆಟ್ಸೆ ನ್ಹವದಾರ್ ಪಾಚ್ ವರಿಸ್ ಪತರ್ ಝಿತ್ತೊ ರ್‍ಹಾವ್ನ್ ಮರುನ್ ಗೆಲೊ. ಜಾರೆದಾಕ್ ಎಕ್ಸೆ ಸಾಟಾರ್ ದೊನ್ ವರಿಸ್ ಹೊಲ್ಲ್ಯಾ ತನ್ನಾ ಹನೊಕ್ ಮನ್ತಲೊ ಲೆಕ್ ಉಪಜ್ಲೊ. ಹನೊಕ್ ಉಪಾಜಲ್ಲ್ಯಾ ಮಾನಾ ಜಾರೆದಾಕ್ ಅನಿಬಿ ಪೊರಾ ಹೊಲಿ ಜಾರೆದಾನ್ ಆಟ್ಸೆ ವರಿಸ್ ಝಿತ್ತೊ ರಾಲೊ . ಜಾರೆದ್ ನ್ಹವ್ಸೆ ಸಾಟಾರ್ ದೊನ್ ವರಿಸ್ ಝಿತ್ತೊ ರ್‍ಹಾವ್ನ್ ಮರುನ್ ಗೆಲೊ.
ಹನೊಕ್ ಸಾಟಾರ್ ಪಾಂಚ್ ವರಿಸ್ ಹೊಲ್ಲ್ಯಾ ತನ್ನಾ ಮೆತುಶೆಲ್ ಮನ್ತಲೊ ಎಕ್ ಲೆಕ್ ಉಪಜ್ಲೊ. ಮಾನಾ ತೊ ದೆವಾಕ್ ವಿಶ್ವಾಸಾಚೊ ಹೊವ್ನ್ ತಿನ್ಸೆ ವರ್ಸಾ ಜಿವನ್ ಕರ್ಲ್ಯಾನ್ ತೆಕಾ ಅನಿಬಿ ಪೊರಾ ಹೊತ್ತಿ. ಹನೊಕ್ ತಿನ್ಸೆ ಸಾಟಾರ್ ಪಾಂಚ್ ವರಿಸ್ ಝಿತ್ತೊ ರಾಲೊ. ಹನೊಕ್ ದೆವಾಚ್ಯಾ ವಾಂಗ್ಡಾ ವಿಶ್ವಾಸಾನ್ ಹೊತ್ತ್ಯಾ ಸಾಟ್ನಿ ತೊ ನಾಪತ್ತೊ ಹೊವ್ನ್ ದೆವಾನ್ ತೆಕಾ ಘೆವ್ನ್ ಗೆಲ್ಯಾನ್.
ಮಾನಾ ಮೆತುಶೆಲಾಕ್ ಎಕ್ಸೆ ಆಯ್ಸಿರ್ ಸಾತ್ ವರಿಸ್ ಹೊಲ್ಲ್ಯಾ ತನ್ನಾ ಲಾಮೆಕ್ ಮನ್ತಲೊ ಲೆಕ್ ಉಪಜ್ಲೊ. ಲಾಮೆಕಾಕ್ ಪೊರ್ ಹೊಲ್ಲ್ಯಾ ಮಾನಾ ಮೆತುಶೆಲಾಕ್ ಅನಿಬಿ ಪೊರಾ ಹೊತ್ತಿ, ಅನಿ ತೆನಿ ಸಾತ್ಸೆ ಆಯ್ಸಿರ್ ದೊನ್ ವರಿಸಾತ್ ಮರುನ್ ಗೆಲೊ. ಅನಿ ಮೆತುಶೆಲಾನ್ ನ್ಹವ್ಸೆ ಸಾಟಾರ್ ನ್ಹವ್ ವರಿಸ್ ಜಿವನ್ ಕರುನ್ ಮರುನ್ ಗೆಲೊ.
ಮಾನಾ ಲಾಮೆಕಾಕ್ ಎಕ್ಸೆ ಆಯ್ಸಿರ್ ದೊನ್ ವರಿಸ್ ಹೊಲ್ಲ್ಯಾ ಮಾನಾ ತೆಕಾ ಎಕ್ ಪೊರ್ ಉಪಜ್ಲೊ, ದೆವಾನ್ ಶಾಪ್ ದಿಲ್ಲ್ಯಾ ಜಿಮ್ನಿ ವರ್‍ತಿ ಘೊಳ್ತಲ್ಯಾ ತರಾಸಾತ್ನಾ ಅಮ್ಕಾ ಸುಟ್ಕಾ ದಿತಾ ಮನುನ್ ನೊಯೆ ಮನ್ತಲೆ ನಾವ್ ಥವ್ಲ್ಯಾನ್. ನೊಯೆ ಚ್ಯಾ ಮಾನಾ ಲೆಮೆಕಾಕ್ ಅನಿ ಪೊರಾ ಹೊಲಿ ಮಾನಾ ತೊ ಪಾಂಸ್ಸೆ ನ್ಹವದಾರ್ ಪಾಂಚ್ ವರಿಸ್ ಝಿತ್ತೊ ರಾಲೊ. ಮಾನಾ ಲೆಮೆಕ್ ಸಾತ್ಸೆ ಸತ್ತರಾರ್ ಸಾತ್ ವರಿಸಾತ್ ಮರುನ್ ಗೆಲೊ.
ಮಾನಾ ನೊಯೆ ಪಾಂಸ್ಸೆ ವರ್ಸಾಚೊ ಹೊಲ್ಲ್ಯಾ ತನ್ನಾ ಶೆಮ್, ಹಾಮ್, ಅನಿ ಜಾಫೆತ್ ಮನ್ತಲಿ ತಿನ್ ಲೆಕಾ ಉಪಜ್ಲಿ.
Siddi Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.