Siddi Bible
ಉತ್ಪತ್ತಿ 4
ಕಾಯಿನ್ ಅನಿ ಹೆಬೆಲ್
ಆದಾಮ್ ಅಪ್ಲಿ ಬಾಯ್ಕೊ ಎವ್ವಾ ವಾಂಗ್ಡಾ ಮಿಳ್ಯಾನ್ ತನ್ನಾ ತಿ ಪೊಟಾನ್ ರ್‍ಹಾವ್ನ್ ಎಕ್ ಪೊರ್ ಹೊಲೊ ತನ್ನಾ ಹವ್ವಾನ್, “ಸರ್ವೆಸ್ಪರಾಚ್ಯಾ ಮಜತಿ ವೈನಾ ಎಕ್ ಝಿಲ್ಗೊ ಹೊಲೊ” ಮನುನ್ ತೆಕಾ ಕಾಯಿನ್ ಮನುನ್ ನಾವ್ ಥವ್ಲಿನ್. ಮಾನಾ ತಿನಿ ಅಬೆಲ್ ಮನ್ತಲ್ಯಾ ಅನಿ ಎಕ್ ಪೊರಾಕ್ ಜಲಮ್ ದಿಲಿನ್, ಅಬೆಲ್ ಬಕ್ರಿಯಾಂಚೊ ತಾಂಡೊ ರಾಕ್ತಲೊ ಹೊಲೊ ಅನಿ ಕಾಯಿನ್ ಶೆತ್ ಕಾರಿ ಹೊಲೊ. ಲೈ ದಿಸಾನ್ ಕಾಯಿನಾನ್ ಅಪ್ನಾಚ್ಯಾ ಶೆತಾಚ್ಯಾ ಫಿಕೆತ್ಲೆ ಉಲ್ಲೆ ದೆವಾಕ್ ಕಾನಿಕ್ ದಿವ್ಕ್ ಹಾನ್ಲ್ಯಾನ್. ತಸೆಚ್ ಅಬೆಲಾನ್ಬಿ ಅಪ್ಲ್ಯಾ ಶೆಳಿಯಾಂಚ್ಯಾ ತಾಂಡ್ಯಾತ್ಲ್ಯಾ ಶೆಳಿ ಹಾನುನ್ ತಿ ಕಾಪುನ್ ಬರೊಭಾಗ್ ಬಲಿ ಭೆಟ್ವುಲ್ಯಾನ್, ತನ್ನಾ ಸರ್ವೆಸ್ಪರಾನ್ ತೆಚಿ ಬಲಿ ಸ್ವಿಕಾರ್ ಕರ್ಲ್ಯಾನ್, ಖರೆ ಕಾಯಿನಾಚಿ ಕಾನಿಕ್ ಸ್ವಿಕಾರ್ ಕರುಕ್ ನಾ ತೆಚ್ಯಾ ವೈನಾ ಕಾಯಿನ್ ಲೈ ರಾಗಾನ್ ಚಾವ್ತಾಳ್ಳೊ, ಅನಿ ತೆಚೆ ತೊಂಡ್ ಬಾವ್ಲೆ. ತನ್ನಾ ಸರ್ವೆಸ್ಪರ್ ದೆವಾನ್ ಕಾಯಿನಾಕ್, “ಕಶ್ಯಾಕ್ ರಾಗಾರ್ ಹಾಸ್? ತುಜೆ ತೊಂಡ್ ಕಶ್ಯಾಕ್ ಬಾವ್ಲಾ? ತಿಯಾ ಬರೆ ಕಾಮ್ ಕರಲ್ಲೆ ಹೊಲ್ಯಾರ್ ಮಿಯಾ ತುಜಿ ಕಾನಿಕ್ ಸ್ವಿಕಾರ್ ಕರಿ ಹೊತ್ತೊ, ಖರೆ ತಿಯಾ ಬುರ್ಸೆ ಕಾಮ್ ಕರಲ್ಯಾ ಸಾಟ್ನಿ ಪಾಪ್ ತುಕಾ ಧರುನ್ ತಾಬೆತ್ ಕರುನ್ ಘೆವ್ಕ್ ಸಾಟ್ನಿ ಹುಂಬ್ಡ್ಯಾತ್ ರಾಕುನ್ಗೆತ್ ಹಾಯ್, ತಿಯಾ ತೆಕಾ ತುಜ್ಯಾ ತಾಬೆತ್ ಥವ್ನ್ ಘೆವ್ಚೆ”, ಮನುನ್ ಸಾಂಗ್ಲ್ಯಾನ್. ತೆ ಹೊಲ್ಲ್ಯಾ ಮಾನಾ ಕಾಯಿನಾನ್ ಅಪ್ಲೊ ಭಾವ್ ಅಬೆಲಾಕ್, “ಅಮಿ ಶೆತಾಕ್ ಜಾವ್ವಾ ಯೆ” ಮನುನ್ ಬಲ್ವುಲ್ಯಾನ್, ತನ್ನಾ ತೆನಿ ದೊಗೆಬಿ ಶೆತಾಕ್ ಗೆಲೆ. ಥೈ ಕಾಯಿನಾನ್ ಅಪ್ನಾಚ್ಯಾ ಭಾವಾಕ್ ವಿರೊದ್ ಹೊವ್ನ್ ಜಿವಾನ್ ಮಾರ್‍ಲ್ಯಾನ್. ತನ್ನಾ ಸರ್ವೆಸ್ಪರ್ ದೆವಾನ್ ಕಾಯಿನಾ, “ತುಜೊ ಭಾವ್ ಅಬೆಲ್ ಖೈ ಹಾಯ್?” ಮನುನ್ ಇಚಾರ್‍ತಾನಾ, ತೆನಿ “ಮಾಕಾ ಗೊತ್ತ್ ನಾ, ಮಿಯಾ ಕಾಯ್ ತೆಚೊ ರಾಕ್ವಲಿ ಕಾಯ್?” ಮನುನ್ ಜವಾಬ್ ದಿಲ್ಯಾನ್. ತೆಕಾ ಸರ್ವೆಸ್ಪರ್ ದೆವಾನ್ “ಹೆ ತಿಯಾ ಕಾಯ್ ಕರ್‍ಲೆ?” ತಿಯಾ ತುಜ್ಯಾ ಭಾವಾಚೆ ರಗಾತ್ ಜಿಮ್ನಿತ್ನಾ ಬೊಬ್ ಮಾರುನ್ ಮಾಕಾ ಬಲ್ವುಲ್ಲಾ. ತಿಯಾ ತುಜ್ಯಾ ಭಾವಾಕ್ ಜಿವಾನ್ ಮಾರ್ಲೆಯ್, ಖರೆ ತೆಚೆ ರಗಾತ್ ಫಿವ್ಕ್ ಜಿಮ್ನಿನ್ ತೊಂಡ್ ಉಗಡ್ಲಾ ತೆಚ್ಯಾ ವೈನಾ ತಿಯಾ ಹ್ಯಾ ಜಿಮ್ನಿ ವರ್‍ತಿ ಸೆತ್ ಕರಿನಸಲ್ಲ್ಯಾ ಶರಾಪಾತ್ ಪಡ್ಲೆ. ತ್ಯಾ ದಿಸಾತ್ನಿ ತಿಯಾ ಸೆತ್ ಕರುಕ್ ಜಾತೈ ಖರೆ ಮಾಟಿಕ್ನಾ ಕಾಯ್ಬಿ ಫಳ್ ಗಾಯ್ನಾ, ತಿಯಾ ಜಿಮ್ನಿ ವರ್‍ತಿ ಘರ್ ನಸಲ್ಲೊ ಹೊವ್ನ್ ಡಂಬಾರೆ ಸಾರ್ಕೊ ಫಿರುನ್ಗೆತ್ ರಾತೈ, ಮಟ್ಲ್ಯಾನ್. ತನ್ನಾ ಕಾಯಿನಾನ್ ಸರ್ವೆಸ್ಪರ್ ದೆವಾಕ್: “ಮಾಕಾ ಹಿ ಶಿಕ್ಷ್ಯಾ ಕಟಿನ್ ಹೊಲಿ”, ತಿಯಾ ಮಾಕಾ ಜಿಮ್ನಿಕ್ನಾ ಅನಿ ತುಜ್ಯಾ ಇದ್ರಾಕ್ನಾ ಧುರ್ ಕರುಲೈ, ಮಾಕಾ ಘರ್ ನಾ, ಮಿಯಾ ಡಂಬಾರಿ ಹೊಲಾ ಮಾಕಾ ಕೊನಿ ತರಿ ಬಗಟ್ಲ್ಯಾರ್ ಮಾರುನ್ ಟಾಕ್ತಾತ್ ಮಟ್ಲ್ಯಾನ್. ತನ್ನಾ ಸರ್ವೆಸ್ಪರ್ ದೆವಾನ್ ತೆಕಾ, ನಾ ತಸೆ ಹೊಯ್ನಾ ಸಾರ್ಕೆ ಮಿಯಾ ಬಗುನ್ ಘೆತಾ! ಜರ್ ತುಜೊ ಜಿವ್ ಕಾಡ್ಲ್ಯಾನಿ ತರ್ ತೆಚ್ಯಾ ಬದ್ಲಾಕ್ ಸಾತ್ ಲೊಕಾಂಚೆ ಜಿವ್ ಕಾಡುನ್ ಹೊತಾ ಮಟ್ಲ್ಯಾನ್, ಅನಿ ತೆಚ್ಯಾ ಮಾನಾ ಕಾಯಿನಾಚ್ಯಾ ವರ್‍ತಿ ದೆವಾನ್ ತೆಕಾ ಕೊನ್ಬಿ ಜಿವಾನಿ ಮಾರುಚೆ ನ್ಹಯ್ ಮನುನ್ ಎಕ್ ವಳಕ್ ಥವ್ಲ್ಯಾನ್. ಮಾನಾ ಕಾಯಿನ್ ಸರ್ವೆಸ್ಪರ್ ದೆವಾಚ್ಯಾ ಇದ್ರಾಕ್ನಾ ದುರ್ ಜಾವ್ನ್, ಎದೆನ್ ಮ್ಹಳ್ಯಾಚ್ಯಾ ದಿಸ್ ಉಗಾವ್ತಲ್ಯಾ ದಿಕ್ಕಾಕ್ ಫಿರಾಟ್ ಮನ್ತಲ್ಯಾ ಜಾಗ್ಯಾಕ್ ಗೆಲೊ.
ಕಾಯಿನಾಚಿ ಪಿಳ್ಗಿ
ಮಾನಾ ಕಾಯಿನಾನ್ ಎಕ್ ಗಾಂವ್ ಭಾಂದ್ಲ್ಯಾನ್, ಕಾಯಿನಾಕ್ ಅನಿ ತೆಚ್ಯಾ ಬಾಯ್ಕೊಕ್ ಎಕ್ ಲೆಕ್ ಉಪಜ್ಲೊ ತೆಚೆ ನಾವ್ ಹನೊಕ್, ಕಾಯಿನಾನ್ ಎಕ್ ಶಾರ್ ಭಾಂದುನ್ ತೆಕಾ ಅಪ್ಲ್ಯಾ ಲೆಕಾಚೆ ನಾವ್ ಥವ್ಲ್ಯಾನ್. ಹನೊಕಾಕ್ ಎರಾದ್ ಮನ್ತಲೊ ಲೆಕ್ ಉಪಜ್ಲೊ, ಎರಾದಾಕ್ ಮೆಹುಯಾಯೆಲ್ ಮನ್ತಲೊ ಲೆಕ್ ಉಪಜ್ಲೊ, ಮೆಹುಯಾಯೆಲಾಕ್ ಮೆತುಶಯೆಲ್ ಮನ್ತಲೊ ಲೆಕ್ ಉಪಜ್ಲೊ, ಮೆತುಶಯೆಲಾಕ್ ಲಾಮೆಕ್ ಮನ್ತಲೊ ಲೆಕ್ ಉಪಜ್ಲೊ. ಲಾಮೆಕಾನ್ ಆದಾ ಅನಿ ಝಿಲ್ಲಾ ಮನ್ತಲಿ ದೊನ್ ಬಾಯ್ಕಾ ಹೊತ್ತಿ. ಆದಾಕ್ ಯಾಬಾಲ್ ಮನ್ತಲೊ ಲೆಕ್ ಉಪಜ್ಲೊ, ಝೊಪ್ಡ್ಯಾತ್ನಿ ರ್‍ಹಾವ್ನ್ ಗೊರಾ ಡೊರಾಕ್ನಿ ರಾಕುನ್ಗೆತ್ ಜಿವನ್ ಕರ್‍ತಲ್ಯಾಕ್ನಿ ವಾಡ್ ವಡಿಲ್. ತೆಜೊ ಭಾವ್ ಜುಬಾಲ್ ತೊ ಪಂವೊ ಅನಿ ಹಾರ್ಪ್ ವಾಜುತ್ತಲ್ಯಾ ಲೊಕಾಕ್ನಿ ವಾಡ್ ವಡಿಲ್. ಅನಿ ಎಕ್ ಬಾಯ್ಕೊ ಝಿಲ್ಲಾಕ್ ಜುಬಾಲ್ ಕಾಯಿನ್ ಮನ್ತಲೊ ಲೆಕ್ ಉಪಜ್ಲೊ, ತೊ ಲೊಂಗ್ಟಾಚೆ ಅನಿ ಪಿತ್ಳಿಚೆ ಸಾಮಾನಾ ಕರ್‍ತಲ್ಯಾ ಲೊಕಾಂಚೊ ವಾಡ್ ವಡಿಲ್, ಜುಬಾಲಾಕ್ ಎಕ್ ಭೆನ್ ಹೊತ್ತಿ ತಿಚೆ ನಾವ್ ನಾಮ್ಹಾ. ಮಾನಾ ಲಾಮೆಕಾನ್ ಅಪ್ಲ್ಯಾ ದೊಗೆ ಬಾಯ್ಕಾಕ್ನಿ: ಆದಾ ಅನಿ ಝಿಲ್ಲಾ, ಮಾಜಿ ಗೊಸ್ಟ್ ಆಯ್ಕಾ! ಮಾಕಾ ಎಕ್ ಮಾನುಸ್ ಮಾರುಲಾಗಲ್ಲೊ ಮಿಯಾ ತೆಜೊ ಜಿವ್ ಕಾಡ್ಲೊ ಮಟ್ಲ್ಯಾನ್ , ತನ್ನಾ ಕಾಯಿನಾಕ್ ಜಿವಾನ್ ಮಾರ್ತಲ್ಯಾಕ್ನಿ ಸಾತ್ ಪಟ್ಟ್ ಶಿಕ್ಷ್ಯಾ ಗಾವ್ತಾ ಹೊಲ್ಯಾರ್ ! ಮಾಕಾ ಜಿವ್ ಕಾಡಲ್ಯಾಕ್ನಿ ಸಾತಾಚೆ ಸತ್ತರ್ ಜಿವಾ ಕಾಡುನ್ ಹೊತಾ.
ಸೆತ್ ಅನಿ ಎನೊಶ್
ಅನಿ ಪರ್‍ತುನ್ ಆದಾಮ್ ತೆಚ್ಯಾ ಬಾಯ್ಕೊಕ್ ಮಿಳ್ತಾನಾ ತಿಕಾ ಅನಿ ಎಕ್ ಪೊರ್ ಉಪಜ್ಲೊ ತನ್ನಾ ಹವ್ವಾನ್, “ದೆವಾನ್ ಮಾಕಾ ಕಾಯಿನಾನ್ ಜಿವಾನಿ ಮಾರಲ್ಲ್ಯಾ ಅಬೆಲಾಚ್ಯಾ ಬದ್ಲಾಕ್ ಎಕ್ ಲೆಕ್ ದಿಲ್ಯಾನ್” ಮನುನ್ ತೆಕಾ ತಿನಿ ಸೆತ್ ಮನುನ್ ನಾವ್ ಥವ್ಲಿನ್. ಮಾನಾ ಸೆತಾಕ್ ಎಕ್ ಪೊರ್ ಉಪಜ್ಲೊ , ತೆನಿ ತೆಕಾ ಎನೊಶ್ ಮನುನ್ ನಾವ್ ಥವ್ಲ್ಯಾನ್, ತನ್ನಾಚ್ಯಾನ್ ಲೊಕಾನಿ ಸರ್ವೆಸ್ಪರ್ ದೆವಾಚೆ ನಾವ್ ಘೆವ್ನ್ ಮಾಗ್ನಿ ಕರುಕ್ ಶುರು ಕರ್ಲ್ಯಾನಿ.
Siddi Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.