Siddi Bible
ನಿರ್ಗಮನ್ 27
ಬಲಿ ಭೆಟ್ವುತಲೊ ಕಟ್ಟೊ
ಬಲಿ ಭೆಟ್ವುತಲೊ ಕಟ್ಟೊ ಜಾಲಿಚ್ಯಾ ಝಾಡಾನ್ ಪಾಂಚ್ ಹಾತ್ ಲಾಂಬ್ ಅನಿ ಪಾಂಚ್ ಹಾತ್ ರುಂದ್ ಚವ್ಕ್ ಕರ್ಸುಚೆ, ತೆ ತಿನ್ ಹಾತ್ ಉಪ್ಪರ್ ರಾವ್ಚೆ. ತೆಜ್ಯಾ ಚಾರಿ ಮುಲ್ಲ್ಯಾಕ್ನಿ ಚಾರ್ ಖಾಂಬೆ ಕರ್ಸುಚೆ, ತೆ ಬಲಿಚ್ಯಾ ಕಟ್ಟ್ಯಾಕ್ ಲಾಗುನ್ ರಾವ್ಚೆ, ತ್ಯಾ ಕಟ್ಟ್ಯಾಕ್ ತಾಂಬ್ಯಾಚಿ ತಗ್ಡಾ ಕಾಂಬ್ರುಚೆ. ತ್ಯಾತುರ್ಲಿ ರಕ್ಕಾ ಕಾಡುಕ್ ಆಯ್ದಾನಾ ಕರ್ಸುಚೆ, ಸಲ್ಕಿಯಾ, ಟೊಪಾ, ಕಾಟೆ ಅನಿ ಅಗಿಪೆಟಿಯಾ ಕರ್ಸುಚೆ, ತೆ ಸಗ್ಳೆಬಿ ತಾಂಬ್ಯಾಚೆ ಹೊವ್ನ್ ರಾವ್ಚೆ. ಬಲಿಚ್ಯಾ ಕಟ್ಟ್ಯಾಕ್ ಎನ್ತಲ್ಯಾ ಕಾಮಾನಿ ತಾಂಬ್ಯಾಚಿ ಜಾಳ್ಗಿಯಾ ಕರ್ಸುಚೆ, ತ್ಯಾ ಜಾಳ್ಗಿಚ್ಯಾ ಚಾರಿ ಮುಲ್ಲ್ಯಾಕ್ನಿ ತಾಂಬ್ಯಾಚಿ ಕಾಕ್ನಾ ಘಾಲ್ಸುಚೆ. ತಿ ಜಾಳ್ಗಿ ಕಟ್ಟ್ಯಾಚ್ಯಾ ಭೊತ್ಯಾನಿ ಖಾಲ್ತಿ ರಾವ್ನ್, ಕಟ್ಟ್ಯಾಚ್ಯಾ ಬುಡ್ನಾ ಮದ್ದಿ ಪತರ್ ರಾಯ್ ಸಾರ್ಕೆ ಘಾಲ್ಸುಚೆ. ಕಟ್ಟ್ಯಾಕ್ ಉಕಲ್ತಲೆ ದಾಂಡೆ ಜಾಲಿಚ್ಯಾ ಝಾಡಾನ್ ಕರ್ಸುನ್ ತಾಂಬ್ಯಾಚಿ ತಗ್ಡಾ ಕಾಂಬ್ರುಚೆ. ತೆ ದಾಂಡೆ ತ್ಯಾ ಕಾಕ್ನಾಕ್ನಿ ಮಿಳ್ವುತಾನಾ, ತೆ ಬಲಿಚೊ ಕಟ್ಟೊ ಉಕ್ಲು ಸಾಟ್ನಿ ತೆಜ್ಯಾ ದೊನಿ ಭಾಜುಕ್ನಿಬಿ ರ್‍ಹಾತಾತ್. ತ್ಯಾ ಕಟ್ಟ್ಯಾಕ್ ಫಳಿಯಾನಿ ಪೆಟಿ ಸಾರ್ಕೆ ಕರ್ಸುಚೆ, ತುಕಾ ಮಿಯಾ ಡಂಗ್ಳಿತ್ ದಾಕ್ವುಲ್ಲ್ಯಾ ಸಾರ್ಕೆಚ್ ತೆ ಕರ್ಸುಚೆ.
ಸರ್ವೆಸ್ಪರಾಚ್ಯಾ ಗುಡಿಚ್ಯಾ ಇದ್ರಾಚೊ ಜಾಗೊ
ಅನಿ ಬಿಡಾರಾಕ್ ದಾರ್ ಕರುಚೆ, ತ್ಯಾ ದಾರಾಚ್ಯಾ ದಕ್ಷಿನ್ ದಿಕ್ಕಾಕ್ ಪರ್ದೆ ರಾವ್ಚೆ, ತೆ ಪರ್ದೆ ಪುಂಡಿಚ್ಯಾ ದೊರಿಚ್ಯಾ ಕಪ್ಡ್ಯಾನಿ ಕರುನ್, ಸೆಂಬರ್ ಹಾತ್ ಲಾಂಬ್ ರಾವ್ಚೆ. ತ್ಯಾ ಭಾಜುಕ್ ವಿಸ್ ಖಾಂಬೆ ಅನಿ ತೆಕಾ ವಿಸ್ ತಾಂಬ್ಯಾಚೆ ಗುಂಡೆ ರಾವ್ಚೆ. ಖಾಂಬ್ಯಾಕ್ನಿ ಚಾಂದಿಚಿ ಕೊಂಡಿಯಾ ರಾವ್ಚಿ, ತಸೆಚ್ ಉತ್ತರ್ ದಿಕ್ಕಾಕ್ ಸೆಂಬರ್ ಹಾತ್ ಲಾಂಬ್ ಪರ್ದೆ, ವಿಸ್ ಖಾಂಬೆ ಅನಿ ವಿಸ್ ತಾಂಬ್ಯಾಚೆ ಗುಂಡೆಬಿ ರಾವ್ಚೆ, ಖಾಂಬ್ಯಾಂಚಿ ಕಟ್ಟಾ ಅನಿ ಕೊಂಡಿಯಾ ಚಾಂದಿಚಿ ರಾವ್ಚಿ. ದಿಸ್ ಬುಡ್ತಲ್ಯಾ ದಿಕ್ಕಾಕ್ ದಾರಾಚ್ಯಾ ರುಂದಿ ಪನ್ನಾಸ್ ಹಾತ್ ಲಾಂಬ್ ಪರ್ದೆ ಅನಿ ಧಾ ಖಾಂಬೆ ಧಾ ಗುಂಡೆಬಿ ರಾವ್ಚೆ. ದಿಸ್ ಉಗಾವ್ತಲ್ಯಾ ದಿಕ್ಕಾಕ್ಬಿ ದಾರಾಚೆ ರುಂದಿ ಪನ್ನಾಸ್ ಹಾತ್ ರಾವ್ಚೆ. ಥೈ ದಾರಾಚ್ಯಾ ದೊನಿ ಭಾಜುಕ್ನಿಬಿ ಪಂದ್ರಾ ಹಾತ್ ಲಾಂಬ್ ಪರ್ದೆ, ತೆಕಾ ತಿ ತಿನ್ ಖಾಂಬೆ ಅನಿ ಮುಳಾಚೆ ಗುಂಡೆ ರಾವ್ಚೆ. ದಾರಾಚ್ಯಾ ಇದ್ರಾಕುಚ್ ವಿಸ್ ಹಾತಿಚೊ ಪರ್ದೊ ರಾವ್ಚೊ, ತೆ ಪುಂಡಿಚ್ಯಾ ದೊರಿಚ್ಯಾ ಕಪ್ಡ್ಯಾನ್ ಝಾಂಬ್ಳ್ಯಾ ರಗ್ತಾಚ್ಯಾ ಬನ್ನಾಚ್ಯಾ ದೊರ್ಯಾನಿ, ಹಾತಿಚ್ಯಾ ಕಾಮಾನಿ ಕರ್ಸುಚೆ, ದಾರಾಕ್ ಚಾರ್ ಖಾಂಬೆ ಅನಿ ಗುಂಡೆ ರಾವ್ಚೆ. ದಾರಾಚ್ಯಾ ಭೊತ್ಯಾನಿ ಹೊತ್ತ್ಯಾ ಸಗ್ಳ್ಯಾ ಖಾಂಬ್ಯಾಕ್ನಿಬಿ ಚಾಂದಿಚಿ ಕಟ್ಟಾ ಅನಿ ಚಾಂದಿಚಿ ಕೊಂಡಿಯಾ ಅನಿ ತಾಂಬ್ಯಾಚೆ ಗುಂಡೆ ರಾವ್ಚೆ. ದಾರ್ ಸೆಂಬರ್ ಹಾತ್ ಲಾಂಬ್ ಅನಿ ಪನ್ನಾಸ್ ಹಾತ್ ರುಂದ್ ರಾವ್ಚೆ, ತೆಜ್ಯಾ ಭೊತ್ಯಾನ್ ಹೊತ್ತೊ ಪರ್ದೊ ಪುಂಡಿಚ್ಯಾ ದೊರ್ಯಾಚ್ಯಾ ಕಪ್ಡ್ಯಾನಿ ಕರುನ್ ಪಾಂಚ್ ಹಾತ್ ಉಪ್ಪರ್ ರಾವ್ಚೆ, ತೆಕಾ ಸಮಂದ್ ಪಡಲ್ಲೆ ಗುಂಡೆ ತಾಂಬ್ಯಾಚೆ ಹೊವ್ನ್ ರಾವ್ಚೆ. ಬಿಡಾರಾಚ್ಯಾ ಸಗ್ಳ್ಯಾ ನಮುನ್ಯಾಚ್ಯಾ ಕಾಮಾಕ್ನಿ ಪಾಜೆ ಹೊಲ್ಲಿ ಸಾಮಾನಾ ಅನಿ ಬಿಡಾರಾಚೆ ಖಾಂಬೆ ದಾರಾತ್ಲೆ ಖಾಂಬೆಬಿ ತಾಂಬ್ಯಾಚೆ ಹೊವ್ನ್ ರಾವ್ಚೆ.
ದಿವ್ಯಾಚಿ ಕಾಳ್ಜಿ
ಕನ್ನಾಬಿ ದಿವೊ ಪೆಟಿ ಸಾರ್ಕೆ ಇಜ್ರಾಯೆಲ್ ಲೊಕಾನಿ ತೆಲಾಚ್ಯಾ ಝಾಡಾಚಿ ಫಾಳಾ ಕಾಂಡುನ್ ಚೊಕ್ಕ್ ತೆಲ್ ಕಾಡುನ್ಗೆವ್ಚೆ ಮನುನ್ ತೆಂಕಾ ಹುಕುಮ್ ದಿ. ದೆವಾಕ್ ಬಗ್ತಲ್ಯಾ ಬಿಡಾರಾತ್ ಕರಾರಾಚ್ಯಾ ಪೆಟಿಚ್ಯಾ ಫಿಡೆ ಹೊತ್ತ್ಯಾ ಪರ್ದ್ಯಾಚ್ಯಾ ಭಾಯ್ರ್ ಆರೊನ್ ಅನಿ ತೆಚಿ ಲೆಕಾ ಸಾಂಜೆಕ್ನಾ ಸಕ್ಕಾಳ್ ಪತರ್ಬಿ ಸರ್ವೆಸ್ಪರಾಚ್ಯಾ ಇದ್ರಾಕ್ ತೆ ದಿವೆ ಸಮಾ ಕರುನ್ಗೆತ್ ರಾವ್ಚೆ, ಇಜ್ರಾಯೆಲ್ ಅನಿ ತೆಂಚ್ಯಾ ಪಿಳ್ಗಿಚಿ ಲೊಕಾ ಸದಾ ಸರ್ವತಾಕ್ ಹೊ ನೆಮ್ ಪಾಳುಚೆ.
Siddi Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.