ಉಪದೆಸ್ ಕಾರ್

ಪ್ರಸಂಗಿ

ಉಪದೆಸ್ ಕಾರಾಚೆ ಪುಸ್ತಕ್

ವಳಕ್

ಉಪದೆಸ್ ಕಾರಾಂಚೆ ಪುಸ್ತಕ್ ಜಿವನಾಚ್ಯಾ ಬುದ್ದಿಚ್ಯಾ ವಿಶಯಾತ್ ಶಿಕ್ವುತಾ. ಹಿಬ್ರುಬಾಶೆತ್ ಪುಸ್ತಕಾ ಕಾರಾಂಚ್ಯಾ ಪ್ರಕಾರ್ ಲೊಕಾಕ್ನಿ ಗೊಳಾ ಕರ್ತಲೊ. ಮನುನ್ ಅರ್ಥ್ ಹಾಯ್. ಲೈ ಬುದ್ವಂತ್ ಲೊಕಾ ಉಪದೆಸ್ ಕಾರಾಂಚೊ ಲಿವಲ್ಲೊ ಸೊಲೊಮೊನ್ ರಾಜಾ ಮನುನ್ ಮಾನ್ತಾತ್, ಖರೆ ಹುರಲ್ಲಿ ಲೊಕಾ ಒಪ್ಪಿನಾತ್. ಎಕ್ ಎಳಾ ಸೊಲೊಮೊನಾನ್ ಹೆ ಪುಸ್ತಕ್ ಲಿವಲ್ಲೆ ಹೊಲ್ಯಾರ್ ಲೈ ಕರುನ್ 970-931 ಚ್ಯಾ ಎಳಾರ್ ಲಿವ್ಕ್ ಫಿರೆ, ಹ್ಯೊ ತೆಜೊ ಜಿವನಾಚೊ ಎಳ್. ಅನಿ ಹುರಲ್ಲಿ ಅದ್ಯಾಯನ್ ಕಾರಾ ಹೆ ದುಶ್ರ್ಯಾ ಕೊನಿಕಿ ಲಿವ್ಕ್ ಫಿರೆ ಮನ್ತಾತ್, ಕಶ್ಯಾಕ್ ಮಟ್ಲ್ಯಾರ್, ಹ್ಯಾ ಎಳಾರ್ ವಾಪರಲ್ಲಿ ಭಾಶಾ ಎಕ್ ರಾಜಾಚಿ ಸಾರ್ಕಿ ನಸ್ತಾನಾ, ಎಕ್ ಸೆವಕಾಚಿ ಸಾರ್ಕಿ ಹಾಯ್ ಉಪದೆಸ್ ಕಾರ್: 5:8,9 ತಿ ಅದ್ಯಾಯನ್ ಕಾರಾ ಉಪದೆಸ್ ಕಾರಾಚೆ ಪುಸ್ತಕ್ ಸೊಲೊಮೊನಾಕಿಂತಾ ಲೈ ಎಳಾಚ್ಯಾ ಮಾನಾ ಲಿವ್ನ್ ಹೊಲಾ ಮನುನ್ ಚಿಂತಾತ್, ತೊ ಎಳ್ ಮಟ್ಲ್ಯಾರ್ ಕ್ರಿಸ್ತ್ ಉಪ್ಜುಚ್ಯಾ ಅದ್ದಿ, 400 ಅನಿ 200 ಚ್ಯಾ ಮದ್ದಿ.

ಉಪದೆಸ್ ಕಾರ್ ಸಗ್ಳೆಬಿ ಎಕ್ ಉಸಿಲಾ ಸಾರ್ಕೆ ಲಗ್ಗುನಾಚ್ ನಾ ಹೊವ್ನ್ ಜಾತಲೆ ಮನುನ್ ಸಾಂಗ್ತಲ್ಯಾ ವಯ್ನಾ ಆರಂಬ್ ಹೊತಾ (ಉಪದೆಸಕ್ 1:2). ಹೆಚೊ ಅರ್ಥ್ ಕಾಯ್ ಮಟ್ಲ್ಯಾರ್, ಅಮ್ಚೊ ಜಿವನಾ ಅನಿ ಕಾಮ್ ತಾತ್ಕಾಲಿಕ್ ಅನಿ ತೆ ಕಳ್ವುನ್ ಘೆವ್ಕ್ ಕಸ್ಟಾಚೆ ಮನುನ್ ಹೊಲೆ. ಹ್ಯಾತುರ್ಲಿ ಲೈ ವಿಶಯಾ ಉಲ್ಲ್ಯಾಚ್ ಎಳಾತ್ ಇಸ್ರುನ್ ಜಾತಾತ್. ಹ್ಯಾತುರ್ಲೆ ಲೈ ವಿಶಯ್ ಅಮ್ಚ್ಯಾ ಹಾತಿತ್ ರ್‍ಹಾಯ್ನಾ. ಜಿವನಾಕ್ ಕಸೆ ಹಾಯ್ ತಸೆಚ್ ಸ್ವಿಕಾರ್ ಕರ್‍ತಲೆ ಅನಿ ಹೊತ್ತ್ಯಾತುಚ್ ಖುಸಿನ್ ರ್‍ಹಾತಲೆ ಬರೆ (ಉಪದೆಸಕ್ 9:9). ಜಿವನಾಚಿ ತರಾಸಾ ಅನಿ ಖುಸಿ, ದೆವಾಕ್ ಭಿಂವ್ತಲ್ಯಾ ಅನಿ ತೆಚಿ ಹುಕುಮಾ ಮಾನುನ್ ಚಲ್ತಲ್ಯಾ ವಿಶಯಾತ್ ಸಾಂಗುನ್ಗೆತ್ ಪುಸ್ತಕ್ ಸರ್ತಾ (ಉಪದೆಸಕ್ 12:13). ಹೆ ಲೈ ಮಹತ್ವಾಚಿ ವಿಶಯ್ ಹೊವ್ನ್ ಹಾಯ್.

ಭಾಗಾ:

1. ಉಪದೆಸ್ ಕಾರಾನ್ ಅಪ್ನಾಚ್ಯಾ ಜಿವನಾಚಿ ಉಲ್ಲಿ ಅನ್ಬವಾ ಸಾಂಗುನ್ಗೆತ್, ಬರ್ವನ್ಗಿಕಾರಾಚಿ ವಳಕ್ ಕರುನ್ ದಿತಾ.

2. ಜಿವನಾಚ್ಯಾ ಅರ್ಥಾಚ್ಯಾ ವಿಶಯಾತ್ ಚರ್ಚಾ ಕರ್ತಾ.

3. ಶಿಕಾಪ್ ಕಾರಾಕ್ ಸಲಹಾ ದಿತಾ.

4. ದೆವಾಕ್ ಭಿಂವ್ತಲೆ ಅನಿ ತೆಚ್ಯಾ ಹುಕುಮಾಕ್ನಿ ಪಾಳ್ತಲೆ ಜಿವನಾಚೆ ಉದ್ದೆಸ್ ಹೊವ್ನ್ ಹಾಯ್ ಮನುನ್ ಸಾಂಗ್ತಲ್ಯಾ ವಯ್ನಾ ಪುಸ್ತಕ್ ಆಕ್ರಿ ಹೊಲಾ.