1 Akolinto

AKOLINTO

Ntongela akwe

Itʉtʉ ɨlɨ nɨla ng'wandyo nɨla Akolinto aɨlɨandɨkilwe nʉ Mitʉmi Paʉlo mʉmatungo anga mʉng'waka nʉwa makʉmi ataano na ɨtaano naɨwatugwa ʉ Yesʉi Kilisito 1:1. Ɨlɨ ingɨ itʉtʉ lang'wandyo mʉʉbɨɨlɨ naandɨkilwe nʉ Paʉlo kʉ ahʉɨɨli ang'wa Kilisito naɨ akʉ kɨsalɨ ka Kolinto. Anga iyʉke aɨʉandɨkile itʉtʉ ɨlɨ naɨwishiɨ kʉ Epeso waze ʉlomee kʉlongola ʉmʉhɨnzo nʉwa kʉ Kolinto nɨzʉlongoe nʉkʉtulya kʉpuma kʉ Makedonia 16:5-9.

Itʉtʉ ɨlɨ ingɨ Paʉlo ʉganʉe mpola naɨʉpewe kʉpuma kʉ ahʉɨɨli ang'wa Kilisito nɨang'wɨ kʉpuma mʉ makani ang'wɨ nɨshanga maza nakʉtendwa mʉmo mʉahʉɨɨli ang'wa Kilisito palʉng'wɨ nʉ ʉtemanʉki nʉ ʉgoolya. Antʉ a kɨsalɨ ka Kolinto aɨkɨkumʉkile kʉ ntendo niya ʉgoolya nʉʉkɨlɨnkɨɨe, itɨgwa shanga ɨkʉɨlwa kʉona kɨna ɨahʉɨɨli ang'wɨ nɨa pang'wanso aɨagigwa nɨmakani nanso. Itʉtʉ ɨlɨ nɨla ng'wandyo nɨla Akolinto lɨkete mɨlango nɨmɨza nɨganʉe ʉʉlowa nʉwo ingɨ mʉlango 13.

Namolɨ

Paʉlo wandɨɨye kʉalamʉsha Akolinto nʉkʉmʉsongelya Itunda kʉnsokoao Akolinto. 1:9.

Naɨakɨla nanso ʉkitʉma mʉlɨmo wa mpola naɨʉpewe niya ʉtemanʉki mʉahʉɨɨli ang'wa Kilisito nɨakolɨ kʉ Kolinto. 1:10-4-21.

Sʉnga wɨkandya kʉkania makani a ʉgoolya nintendo nɨakitendeela nʉkisemela mʉmaanza ɨenso kʉ enso 5-6.

Naɨyakɨla pang'wanso ʉkʉalagɨɨla makani awitɨni nʉ kʉpumya isongeelyo kʉadʉdʉ ni ipolya mʉmilʉndo ni ipegwa niya kɨnkolo niyipumile kʉng'wi Itunda nɨmakani naʉkunʉkʉɨlwa 7-15.

Paʉlo ʉmaɨɨye kʉtambʉla makani ang'wɨ akitʉmɨla mʉlɨmo hangɨ akinyene 16.