Mme Saam 8

Anye ami anie adadusʌñ ke ikwọ. Akeene kittid. Saam Defid.

Utịppe Anyịñ Abọọñ

1Abọọñ, Abọọñ ñnyịn,

anyịñ mfo akpon die ke afịd ederimbod!

Afo amedot ubọọñ mfo

ke mme hefịn.

2Ato ke itooro ntəkayịn ye ake mme nsek nditọ

afo amebọp akọ abaha mme asua mfo,

nọ akʌp asua ye asiousiene inua.

3Ami mmaatie ñkere mme hefịn mfo,

ubọkutom mme nnuunubọk mfo,

afiọñ ye mme ntantaafiọñ,

ake afo abonoke ke itie ammọ,

4nsoo ido ubonawo nọ afo akere abaña anye,

mme awo edo nsoo nọ afo ase ñkpọ abaña ammọ?

5Afo amenam ammọ esuuhọ etək-etək ekan mme enyere

anyʌñ ayat ammọ anyanya ubọọñ ye ukpono.

6Afo amaanam ammọ edo mme andikaara mme ubọkutom mfo;

afo abono afịd ñkpọ ke idak ñkpad ammọ:

7afịd udịmedọñ ye udịmenañ,

ye mme unam ke akai ikọd,

8mme inuen ke ikpaanyọñ,

ye iyak ke akpainyañ,

afịd se iwọk ke mme usʌñ akpainyañ.

9Abọọñ, Abọọñ ñnyịn,

anyịñ mfo akpon die ke afịd ederimbod!