Mme Saam 63:1

Saam Defid. Ke ini anye akebaaha ke Akpautatan Yuda.

Ima Abasi Akpon Akan Uwem

1O Abasi, afo ado Abasi mmi,

ami mmenekke uyem fiin;

itọñ mfo andọñ miin

afịd idem mmi uyem fiin,

ke nsaad ufiob isọñ,

a-mmọọñ imiibaaha.

2Ami mmukịt fiin ke adisana itie mfo

ñnyʌñ ñkịt adudu ye ubọọñ mfo.

3Sia ima mfo afọn akan uwem,

ñkpọkinua mmi ayaunọ fiin ubọọñ.

4Ami ñyautooro fiin adaña nte ami nduuho uwem,

ndin ñyaabenne ubọk mmi ke anyọñ ñkpono anyịñ mfo.

5Ami ñyaakop uyʌkkọ nte ke ataa nsọñudua ndidia;

inua mmi ayaadat ñkpọkinua a-ayọhọke ye ikwọ utooro fiin.

6Ami utoiyo fiin ke ini nnaaha ke ikʌk mmi,

ami ñkere ubaña fiin ke mme ikpeghe akonayio.

7Sia afo ado unwam mmi,

ami ñkwọ ikwọ ke mfuud mba mfo.

8Ami nsọñ uyịre fiin;

ubọk nnasia mfo ammʌm miin akama.

9Eyaesobo mbon se iyem adiñwot miin;

ammọ eyaesuuho ekaiya mme ntotəño idak isọñ.

10Eyaekappa ammọ enọ akañkañ

ndin ammọ eyaekappa edo ndidia enọ mme ewaikọd.

11Ado adidem ayaadaara ke Abasi;

afịd awo se ikinwọñọ ke anyịñ Abasi eyaewuana ke ubọọñ amọ,

ado eyaekʌp inua mbon nsu.