Mme Saam 6

Anye ami anie adadusʌñ ke ikwọ. Ye mme ndido udʌk. Akeene seminid. Saam Defid.

Akam Ebọññọ ke ini Afanekọñ

1Abọọñ, kuusua unnọ miin ke iyadesịd mfo

kuunyʌñ untʌnọ miin ke ifiobesịd mfo.

2Ntua miin mbọm, Abọọñ, sia idem ammem;

ñkọk miin, Abọọñ, sia mme akpọ mmi eba ke ndutʌhọ.

3Ukpọñ mmi aba ke akpọsọñ mfʌhọ.

Adiikpeene die, Abọọñ, adiikpeene die?

4Wọññọ, Abọọñ, nyʌñ ñnyaaña miin;

ñnyaaña miin ke ntak ima mfo a-adooho akenam ikpuuho.

5Ke atu mme akpañkpa awo ndomokeed itañña ase anyịñ mfo.

Anie awo utooro fiin ke udi?

6Ami mmekpa mba ato ke mmịm mmi.

Afịd akonayio ami mfiọọrọ ñkpana mmi ye mmọọñayịd;

ñnyʌñ nduọk mmọọñayịd ñyọhọ ñkpọnnaa mmi.

7Anyen añkịm anọ mfʌhọ;

anyen ambre ke ntak afịd mme asua mmi.

8Indakka miin ke iso, afịd ndufo mme anam ndoom,

sia Abọọñ a-akop uyio ayịd mmi.

9Abọọñ akop ntuaña ñkpeubọk mmi;

Abọọñ abọ akam mmi.

10Afịd mme asua mmi eyaekịt abuud enyʌñ eba ke ndutʌhọ;

ammọ eyaetịmme edem, enyʌñ edia abuud ini keed ini keed.