Biblica® Open Ibibio Contemporary Bible 2025
Mme Saam 3
Saam Defid. Ke ini anye akefegheke abọkkọ ayịn amọ Absalọm.
Akam E-ebọññọ ke Ñkịmñnwaña Ubakusen
Abọọñ, mme asua mmi ewak die!
Awo ifañ edakka eda eñkọbọ miin!
Uwak awo etañ embaña miin ete,
“Abasi idiinyaañake anye.”
Ado afo, Abọọñ, ado atuekọñ añkannake miin akʌk,
ubọọñ mmi, ye Anye a-anamma etịñiwuod mmi akoñ.
Ami mbọọñ ñkoot Abọọñ,
ndin anye atie ke adisana abod amọ añyie miin.
Ami nsuuk nnaa ndaiya;
Mmaana ndemme, sia Abọọñ ammʌm miin akama.
Ami ndiifegheke ndịk akpekọm mme awo tọsịn duoboduob
eñkanna miin ekʌk enyʌñ enam ikọ ye ami.
Dakka da, Abọọñ!
Ñnyaaña miin, Abasi mmi!
Yʌppọ afịd mme asua mmi ke mbañ;
bʌñ eded mbon ibak.
Adinyaaña ato Abọọñ.
Yak adidiọñ mfo adoro ikọd mfo ke idem.
Biblica® Open Ibibio Contemporary Bible 2025. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.