Mme Saam 149

1Itooro Abọọñ.

Ikwọ ufa ikwọ inọ Abọọñ,

itooro amọ ke mboho mme andinịm ke akpanikọ.

2Yak Isrel anem esịd ke Andibod ammọ;

yak mbon Saiyọn enem esịd ke Adidem ammọ.

3Yak ammọ etooro anyịñ amọ ye unek

enyʌñ ekwọ ikwọ enọ anye ke ibịdubọk ye ekpa.

4Sia Abọọñ anie inemesịd ke mbon amọ;

anye ayat mbon nsuukidem anyanya adikan.

5Yak mbon akpanikọ amọ edaara ke ukpono ami

enyʌñ ekwọ ikwọ idaara ke mme ikʌk ammọ.

6Yak itooro Abasi aba ke inua ammọ

ye akañkañ inuaiba ke ubọk ammọ,

7nọ esio usiene ke atu mme idịd

enyʌñ emia mbon awo ufen,

8nọ ekọp ndidem ammọ ke ñkpakọb,

mbon ukpono ammọ ke akpọnọ ukwak,

9nọ ekpe ikpe ke iwuod ammọ naña ewet,

ubọọñ afịd mbon akpanikọ amọ ado mi.

Itooro Abọọñ.