Mme Saam 148

1Itooro Abọọñ.

Itie ke anyọñ itooro Abọọñ;

itooro anye ke ñkoñ-ñkoñ itie.

2Afịd mme enyere amọ itooro anye;

itooro anye, afịd mme udịm anyọñ amọ.

3Ayio ye afiọñ, itooro anye;

afịd ntantaafiọñ unwana, itooro anye.

4Ndufo mme ñkoñ-ñkoñ anyọñ, etooro anye

ye ndufo mme mmọọñ ke anyọñ ntọñanyọñ.

5Yak ammọ etooro anyịñ Abọọñ,

sia ekebot ammọ eto ke uyio amọ,

6ñko anye akenam ammọ eba ke nsi-nsi nsi-nsi,

anye amaanọ ewʌhọ ake imiidiboiyoke ifep.

7Itie ke isọñ itooro Abọọñ,

afịd ndufo ikpọ unam ke akpainyañ ye ke mme udem,

8akebkeb ye edịmitiad, ntuhube ye ntọñanyọñ

afịm ayobio a-anamma uyio amọ,

9ndufo ikpọ ye afịd ntək abod

mme eto ake enwịmme mfịd ye afịd mme eto sida,

10ndiọi unam ikọd ye afịd enañ,

ntək unam ye inuen e-efuurọke,

11ndidem isọñ ye afịd mme idịd,

nditọ mbọọñ ye afịd mme akara isọñ,

12ñkparawa ye ubọikpa,

ñkaan ideen ye ntəkayịn.

13Yak ammọ etooro anyịñ Abọọñ,

sia anyịñ amọ ikpọọñ akoñ;

uyai amọ akoñ akan isọñ ye anyọñ.

14Anye abenne nnʌk ke anyọñ anọ ikọd amọ

itooro afịd ndinen nditọufọk amọ,

ake Isrel, mbon se ikpere esịd amọ.

Itooro Abọọñ.