Mme Saam 125

Ikwọ adidọọk.

1Mbon se ibuọt idem ye Abọọñ eba nte Abod Saiyọn,

i-imiikemeke adisịkke ado ada ke nsi-nsi.

2Kpa naña mme abod ekanna Yeruselem,

ntoro ke Abọọñ akanna ikọd amọ akʌk

idahami ye ke nsi-nsi.

3Esañ awo ibak idiituakka ida

ke isọñ se ekedeeme enọ ndinen awo,

sia ke ntak ado ndinen awo ekeme ikama

ubọk ammọ enam idiọọkñkpọ.

4Abọọñ, nam eti ye mbon edooho nti,

ye mbon se inen ke esịd.

5Amaado mbon ewakkake edʌk ukwañ usʌñ

Abọọñ ayaabenne ammọ asioño ye mme anamidiọọk.

Yak emem aba ye Isrel.