Mme Saam 124

Ikwọ adidọọk. Ake Defid

1Yak Isrel ebo,

akpedo Abọọñ ikibaaha ye ñkañ ñnyịn,

2akpedo Abọọñ ikibaaha ye ñkañ ñnyịn

idaha mbon awo ekenamma ikọ ye ñnyịn,

3ammọ ekpaekimen ñnyịn ndisi

idaha iyadesịd ammọ akefioppo ikañ-ikañ ye ñnyịn;

4mmọọñukwọ akpaakiben ñnyịn,

ufeghe ndiọọñ mmọọñ akpaakiben ñnyịn asio,

5mfofuud mmọọñ

akpaakikwọọk ñnyịn asio ke iso isọñ.

6Yak itooro anie Abọọñ,

idiikiyakka ammọ iwai ñnyịn ke eded ammọ.

7Ñnyịn imibọkkọ nte inuen

abọkkọ afia ataikọd;

ebʌñ afia,

ndin ñnyịn imibọkkọ.

8Unwam ñnyịn ato anyịñ Abọọñ,

Andinam anyọñ ye isọñ.