Mme Saam 112

1Itooro Abọọñ.

Afọfọn anọ mbon e-ebaaha Abọọñ,

mbon e-ekoppo akpọsọñ inemesịd ke mme ewʌhọ amọ.

2Nditọ ammọ eyaedoñño ñkpọsọñ ke abio;

eyaediọñ emana mme ndinen awo.

3Uforo ye inie eba ke mme ufọk ammọ,

adinenido ammọ asọọñọ ada ke nsi-nsi.

4Akpekọm ke ekịm usiere ikañ ayamma anọ ndinen awo,

anọ mbon e-efọnnọ enyʌñ enie mbọm enyʌñ enen.

5Eti ñkpọ ayaadi abịne mbon se ido ubọk enọenọ e-enyʌññọ ewuọt ke ntadubọk,

mbon e-enamma ñkpọ ammọ ke unen.

6Ke akpanikọ, mme ndinen awo idiinyeeñeke;

eyaetoiyo ammọ ke nsi-nsi.

7Ammọ idiinieghe ndịk ibaña idiọọk etob;

esịd ammọ enie iwuuk, ebuọt idem ke Abọọñ.

8Ekpeme esịd ammọ, ammọ idiikoppo ndịk;

ke akpatre ammọ eyaese mme asua ammọ ke edikan.

9Ammọ esuan mme inie ammọ enọ uweene ke ntadubọk,

adinenido ammọ asọọñọ ada ke nsi-nsi;

eyaedịppe nnʌk ammọ ke anyọñ ke ukpono.

10Mbon ibak eyaekịt enyʌñ eyat esịd,

ammọ eyaekwaaha ntakeded enyʌñ etaha ema;

udọñ mbon ibak eyaekappa edo ikpu-ikpu.