Mme Saam 110

Ake Defid. Saam

1Abọọñ abo abọọñ mmi:

“Tie ke ubọk nnasia mmi

tutu ami nnam mme asua mfo

ifịm udodukod nnọ ukod mfo.”

2Abọọñ ayaanyanna akwa esañubọọñ mfo ato ke Saiyọn, abo,

“Kaara ke ufọọd mme asua mfo!”

3Udịmekọñ mfo eyaenyịmme

ke usen se afo adinie anwan.

Esịne adisana uyai ke idem,

mme iwaad mfo eyaedi ubịne fiin

nte ndedeb a-atooho idịb ubakusen.

4Abọọñ amaanwọñọ

ndin anye idiikpuhoke akikere amọ:

“Afo ado aku ke nsi-nsi,

a-asañake akekem ke ukem ndaha Melkisedek.”

5Abọọñ mmọdo ke ubọk nnasia mfo;

anye ayaanuak ndidem ke usen ifiobesịd amọ.

6Anye ayaakpe ikpe anọ mme idịd, akoono mme akpañkpa akọọk

anyʌñ anuak mme andikara ke ukod ke afịd ederimbod.

7Anye ayaanwọñ mmọọñ ato etək idịm a-abaaha ke usʌñ,

ndin anye ayaabenne iwuod amọ ke anyọñ.