गलातिगोळ

गलातियों के नाम पौलुस प्रेरित की पत्री

गलातिगोळ हेसुर पौलुस प्रेरित उन चिट्ठी

परिचय

गलातिया अन्द ईद चिट्ठी प्रेरित पौलुस लिख्सदुन

आ यहूदी अदिक गैरयहूदी मसीह लॉकुर्द हेसुर जो गलातिया दाकळोर मंडली इन सभासद ईरोर आंदुर हेसुर देल ईद चिट्ठी लिख्सदुन. मसीहगोळी यहूदी नियमगोळ्द विशेष रूप देल खतना अन पालन माळ पायजे ईद अनावाळेर ख्वाटा शिक्षकगोळ्द सामना माळोर साटी पौलुस विशेष रूप देल ईद चिट्ठी लिख्सदुन. ईद मसीहगोळ दा हिंग समुह ईरोद यदरी जूळाइज़र अंदकु आगोद इंदुर मान्सतोगोर कि गैरयहूदी मसीहगोळ्द खतना माळोद जरूरी आद, आंदुर पौलुस उन प्रेरितपन इन अधिकार मा प्रश्न चिन्ह हाकदुर. पौलुस आंदुर्द थ्वाळासा जीवन कात्‍ता अन थ्वाळासा भाग हेळकु तान प्रेरितपन इन पुष्टी माळदुन.

रूप-रेखा

१. गलातिया अन मंडली इक नमस्कार अंदकु पौलुस ईद चिट्ठी इन सुरूवात माळतान.

२. तान शिक्षा कोळोद अधिकार इन पुष्टी माळोर साटी पौलुस तान जीवन इन थ्वाळासा पार्श्वभुमी स्पष्ट माळतान आव ईद हेळोर साटी कि आव नियम शास्त्र अन अनुसार ईरोद ईद जीवन इन कोशिश माळदुन, लेकीन आव येनु सफलता हासिल माळीदिल.

३. इदुर बाद्दा नियम अदिक कृपा नामी मुक्ति कोळोर साटी येन भुमिका निभुसताव ईद आव स्पष्ट माळतान.

४. वळ्लीद मसीह जीवन इन साटी आव थ्वाळासा साधारण सुचना कोळतान.

५. पौलुस आखरी दा आखरी विनती माळतान कि परमेश्वर उन द्वारा व्हाशोद मंळसा बनसोद ईद खतना घाई व्हार्यागोळ्द रीति देल हापाळ महत्वपुर्ण आद इदरी याद ईटी अदिक नमस्कार माळकु आव ई चिट्ठी इक खतम माळतान.