Haryanvi Bible
भजन संहिता 23:1
Verse 1 is marked below, with the whole chapter around it. Read from the start
परमेसवर अपणे माणसां का पाळी
दाऊद का भजन
यहोवा मेरा पाळी सै,
मन्नै किमे घटी ना होवैगी।
वो मन्नै हरी-हरी चराईयाँ म्ह बिठावै सै;
वो मन्नै सुखदाई पाणी के झरण्यां कै धोरै ले चाल्लै सै;
वो मेरे जी म्ह जी ले आवै सै।
धर्म की राह म्ह वो अपणे नाम कै खात्तर
मेरी अगुवाई करै सै।
चाहे म्ह घोर अन्धकार तै भरी होई तराई म्ह होकै चाल्लूँ,
तोभी नुकसान तै न्ही डरुँगा,
क्यूँके तू मेरै गैल रहवै सै;
तेरी छड़ी अर लाठ्ठी तै मन्नै शान्ति मिलै सै।
तू मेरे सताण आळयां कै स्याम्ही मेरे खात्तर मेज बिछावै सै;
तू मेरे सिर पै तेल तै अभिषेक करै सै,
मेरा कटोरा उमड़ण लाग रह्या सै1।
पक्का भलाई अर करुणा जीवन भर मेरे
गैल-गैल बणी रहवैगी;
अर मै यहोवा के धाम म्ह सदा वास करुँगा।
Source notes (1)
- Footnote उमड़ण लाग रह्या सै लूका 7:46
Haryanvi Bible. Copyright © Beyond Translation. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.