Haryanvi Bible
भजन संहिता 127
परमेसवर का आशीर्वाद
सुलैमान की यात्रा का गीत
जै घर नै यहोवा ना बणावै,
तो उसके बणाण आळयां की मेहनत बेकार सै।
जै नगर की रुखाळी यहोवा ना करै,
तो रुखाळी करण आळे का जागणा बेकार सै।
थम जो सबेरै उठो सो अर देर करकै आराम करो सो
अर कड़ी मेहनत भरी रोट्टी खाओ सो, या सब थारै खात्तर बेकार सै;
क्यूँके यहोवा अपणे प्रेमियाँ नै न्यूए नींद1 देवै सै।
देक्खो बच्चे यहोवा का दिया होया भाग2 सै,
गर्भ का फळ उसकी ओड़ तै ईनाम सै3।
जिस तरियां वीर कै हाथ म्ह तीर,
उसे तरियां जवान्नी के बच्चे होवैं सै।
कितना धन्य सै वो माणस जिसनै अपणे तरकश ताहीं उनतै भर लिया हो!
वो फाटक कै धोरै दुश्मनां तै बात करदे हानि कणतावैगा कोनी।
Source notes (3)
- Footnote नींद वो अपणे प्यारे माणसां नै इस तरियां देवै सै जणु नींद म्ह सोवै सै
- Footnote भाग विरासत
- Footnote ओड़ तै ईनाम सै सच्ची आशीष सै
Haryanvi Bible. Copyright © Beyond Translation. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.