Haryanvi Bible
भजन संहिता 126:5
Verse 5 is marked below, with the whole chapter around it. Read from the start
सिय्योन की खुशी कै गैल वापसी
यात्रा का गीत
जिब यहोवा गुलाम्मी म्ह तै सिय्योन1 नै छुड़ा ल्याया,
फेर हम सपना देखण आळयां की तरियां होगे।
फेर हम खुशी तै हाँसण
अर जयजयकार करण लाग्ये;
फेर जात-जात कै बीच म्ह कह्या जावै था,
“यहोवा नै, इनकै गैल बड़े-बड़े काम करै सै।”
यहोवा नै म्हारी गैल बड़े-बड़े काम करै सै;
अर इसतै हम घणे खुश सां।
हे यहोवा, दक्षिण देश की पाणी की धारा की तरियां,
म्हारे कैदियाँ नै उल्टा ले आ!
जो रोन्दे होए बोवै सै,
वो जयजयकार करदे होये काटण पावैंगें।
चाहे बोण आळा बीज लेकै रोन्दा होया भी चल्या जावै,
पर वो फेर फसल लिए होया जयजयकार करदा जरुर उलटा आवैगा।
Source notes (1)
- Footnote सिय्योन इस्राएली लोग
Haryanvi Bible. Copyright © Beyond Translation. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.