Haryanvi Bible
भजन संहिता 121:1
Verse 1 is marked below, with the whole chapter around it. Read from the start
परमेसवर म्हारा रक्षक
यात्रा का गीत
मै अपणी आँख पहाड़ां की ओड़ लगाऊँगा।
मन्नै मदद कित्त तै मिलैगी?
मन्नै मदद यहोवा की ओड़ तै मिलै सै,
जो अकास अर धरती नै बणाण आळा सै।
वो तेरे पैरां नै टळण न्ही देगा,
तेरा रुखाळी कदे ना ऊँघैगा।
सुण, इस्राएल का रक्षक,
ना ऊँघैगा अर ना सोवैगा।
यहोवा तेरा रुखाळी सै;
यहोवा तेरी सोळी और तेरी आड़ सै।
ना तो दिन के घाम तै,
अर ना रात की चाँदणी तै तेरा किमे नुकसान होवैगा।
यहोवा सारी मुसीबत तै तेरी हिफाजत करैगा:
वो तेरी जान की हिफाजत करैगा।
यहोवा तेरे आणे जाणे म्ह
तेरी रुखाळी इब तै लेकै सदा ताहीं करदा रहवैगा।
Haryanvi Bible. Copyright © Beyond Translation. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.