Haryanvi Bible
भजन संहिता 120
परमेसवर तै मदद खात्तर प्रार्थना
यात्रा का गीत
मुसीबत कै बखत म्ह मन्नै यहोवा ताहीं पुकारया,
अर उसनै मेरी सुण ली।
हे यहोवा, झूठ बोल्लण आळे मुँह तै
अर छळी जीभ तै मेरी हिफाजत कर।
हे छळी जीभ,
तन्नै के मिलै? अर तेरी गैल और के घणा करया जावै?
वीर1 के तिक्खे तीर
अर झाऊ के अंगारे!
हाय-हाय इस करकै मन्नै मेशेक म्ह परदेशी होकै रहणा पड्या
अर केदार2 के तम्बुआं म्ह बसणा पड्या सै।
घणे बखत तै मन्नै मेल के दुश्मनां कै गैल बसणा पड्या सै।
मै तो मेल चाहूँ सूं;
पर मेरे बोलदे ए, वो लड़णा चाहवै सै!
Source notes (2)
- Footnote वीर ताकतवर
- Footnote मेशेक म्ह परदेशी होकै रहणा पड्या अर केदार ये दोन्नु न्यारे-न्यारे देश थे जो एक-दुसरे तै घणी दूर थे इनकै माणस जालिम था
Haryanvi Bible. Copyright © Beyond Translation. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.