Haryanvi Bible
भजन संहिता 114
फसह का गीत
जिब इस्राएल नै मिस्र तै, यानी के याकूब कै कुण्बे नै न्यारी बोल्ली आळयां कै बीच म्ह चालणा शरु करया,
फेर यहूदा यहोवा का पवित्र स्थान
अर इस्राएल उसके राज्य के लोग होंगे।
समुन्दर देखकै भाज्या,
यरदन नदी उलटी बहण लाग्गी।
पहाड़ मिंढा की तरियां उछळण लाग्गे,
अर पहाड़ियाँ भेड़-बकरियाँ कै बच्यां की तरियां उछळण लाग्गी।
हे समुन्दर, तेरै के होया, के तू भाज्या?
अर हे यरदन नदी तेरै के होया के तू उलटी बही?
हे पहाड़ों थारै के होया, के थम भेड्डां की तरियां,
अर हे पहाड़ियों थारै के होया, के थम भेड़-बकरियाँ के बच्यां की तरियां उछळे?
हे धरती प्रभु कै आग्गै,
हाँ, याकूब के परमेसवर कै आग्गै थरथरा।
वो पहाड़ नै पाणी का जोह्ड़,
कठोर चकमक के पत्थर नै पाणी का चोवा बणा दे सै।
Haryanvi Bible. Copyright © Beyond Translation. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.