Haryanvi Bible
भजन संहिता 100
परमेसवर की स्तुति का गीत
धन्यवाद का भजन
हे सारी धरती के माणसों यहोवा की जयजयकार करो!
खुशी तै यहोवा की आराधना करो!
जयजयकार के गैल उसकै स्याम्ही आओ!
या बात जरुर जाणो के यहोवा ए परमेसवर सै
उस्से नै म्हारे ताहीं बणाया सै, अर हम उसे के सां;
हम उसकी प्रजा, अर उसकी चराई की भेड़ सां।
उसके फाटकां म्ह धन्यवाद,
अर उसके आँगणां म्ह स्तुति करदे होये बड़या करो,
उसका धन्यवाद करो, अर उसके नाम नै धन्य कहो!
क्यूँके यहोवा भला सै, उसकी दया हमेशा खात्तर सै,
अर उसकी सच्चाई पीढ़ी तै पीढ़ी ताहीं बणी रहवै सै।
Haryanvi Bible. Copyright © Beyond Translation. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.