ओबद्याह

ओबद्याह नबी की किताब

लेखक

या किताब उस भविष्यवाणी की कृति सै जिसका नाम ओबद्याह सै। म्हारे धोरै उसकी जीवनी न्ही सै। गैर जात एदोम देश कै खिलाफ उसकी भविष्यवाणी म्ह यरुशलेम नै जो महत्त्व वो देवै सै उसतै कम तै कम योए समझ म्ह आवै सै के ओबद्याह दक्षिणी राज्य, यहूदिया के इस पवित्र नगर कै धोरै ए का रहण आळा था।

लिखण की तारिख अर जगहां

लगभग 605-586 ई. पू.

घणी सम्भव प्रतीत होवै सै के ओबद्याह की किताब यरुशलेम के पतन कै घणी बाद की न्ही सै (ओबद्याह. पद 11-14)। यानिके बेबीलोन की बन्धुआई के बखत।

प्रापक

एदोम के आक्रमण के बुरे अनजाम कै बखत यहूदिया के लक्षित श्रोतागण।

मकसद

ओबद्याह परमेसवर का भविष्यवक्ता था जिसनै एदोम ताहीं परमेसवर अर इस्राएल के खिलाफ पाप करण का दोषी ठहराया। एदोमी एसाव के वंशज सैं अर इस्राएली एसाव के जुड़वा भाई याकूब के वंशज सैं। दोन्‍नु भाईयाँ के झगड़े का बुरा नतिज्जा उनके वंशजां नै भोगणा पड्या। इस भेद कै कारण एदोमियां नै मिस्र तै इस्राएल के निर्गमन के बखत उननै अपणे देश तै जाण न्ही दिया था। एदोम के घमण्ड के पाप कै कारण परमेसवर तै सजा का कठोर वचन सुणणा जरूरी था। किताब के अन्त म्ह सिय्योन की मुक्ति अर भरपूरी की भविष्यवाणी सै, आखरी दिनां म्ह जिब देश परमेसवर की प्रजा ताहीं दोबारा दे दिया जावैगा अर परमेसवर उनपै राज करैगा।

खास बातें

धार्मिक न्याय

रूपरेखा

1. एदोम का विनाश

2. इस्राएल की आखरी जीत