Haryanvi Bible
नहेम्याह 11
हाकिम जो यरुशलेम म्ह बसगे
प्रजा के हाकिम तो यरुशलेम म्ह रहवै थे, अर बाकी माणसां नै यो ठहराण खात्तर चिट्ठी गेरी, के दस म्ह तै एक माणस यरुशलेम म्ह, जो पवित्र नगर सै, बस जावैं; अर नौ माणस बाकी नगरां म्ह बसै।1 जिननै अपणी ए इच्छा तै यरुशलेम म्ह रहणा करणा चाह्या उन सारया ताहीं माणसां नै आशीर्वाद दिया।
उस प्रान्त के खास-खास आदमी जो यरुशलेम म्ह रहवै थे, वे ये सै; पर यहूदा के नगरां म्ह एक-एक माणस अपणी खुद की धरती म्ह रह्या करदा; यानिके इस्राएली, याजक, लेवीय, नतीन अर सुलैमान के नोक्करां की सन्तान। यरुशलेम म्ह तो कुछ यहूदी अर बिन्यामीनी रह्या करदे। यहूदियाँ म्ह तै तो येरेस के वंश का अतायाह जो उज्जियाह का बेट्टा था, यो जकर्याह का बेट्टा, यो अमर्याह का बेट्टा, यो शपत्याह का बेट्टा, यो महललेल का बेट्टा था। मासेयाह जो बारूक का बेट्टा था, यो कोल्होजे का बेट्टा, यो हजायाह का बेट्टा, यो अदायाह का बेट्टा, यो योयारीब का बेट्टा, यो जकर्याह का बेट्टा, अर यो शीलोई का बेट्टा था। पेरेस के वंश के जो यरुशलेम म्ह रह्या करदे, वो सारे मिलाकै च्यार सौ अड़सठ शूरवीर थे।
बिन्यामीनियाँ म्ह तै सल्लू जो मशुल्लाम का बेट्टा था, यो योएद का बेट्टा, यो पदायाह का बेट्टा था, यो कोलायाह का बेट्टा यो मासेयाह का बेट्टा, यो इतीएह का बेट्टा, यो यशायाह का बेट्टा था। उसकै बाद गब्बै सल्लै जिनकै गैल नौ सौ अट्ठाईस माणस थे। इनका प्रधान जिक्री का बेट्टा योएल था, अर हस्सनूआ का बेट्टा यहूदा नगर के प्रधान का नायब था।
फेर याजकां म्ह तै योयारीब का बेट्टा यदायाह अर याकीन। अर सरायाह जो परमेसवर के भवन का महायाजक अर हिल्किय्याह का बेट्टा था, यो मशुल्लाम का बेट्टा, यो सादोक का बेट्टा, यो मरायोत का बेट्टा, यो अहीतूब का बेट्टा था। अर इनके आठ सौ बाईस भाई जो उस भवन का काम करै थे; अर अदायाह, जो यरोहाम का बेट्टा था, यो पलल्याह का बेट्टा, यो अमसी का बेट्टा, यो जकर्याह का बेट्टा, यो पशहूर का बेट्टा, यो मल्किय्याह का बेट्टा था। इसके दो सौ बयाळीस भाई जो पितरां के घरान्यां के प्रधान थे; अर अमशै जो अजरेल का बेट्टा था, यो अहजै का बेट्टा, यो मशिल्लेमोत का बेट्टा, यो इम्मेर का बेट्टा था। इनके एक सौ अट्ठाईस शूरवीर भाई थे अर इनका प्रधान हग्गदोलीम का बेट्टा जब्दीएल था।
फेर लेवियाँ म्ह तै शमायाह जो हश्शूब का बेट्टा था, यो अज्रीकाम का बेट्टा, यो हशब्याह का बेट्टा, यो बुन्नी का बेट्टा था। शब्बतै अर योजाबाद खास लेवियाँ म्ह तै परमेसवर के भवन के बाहरी काम2 पै ठहरे थे। मत्तन्याह जो मीका का बेट्टा अर जब्दी का पोत्ता, अर आसाप का पड़पोत्ता था; वो प्रार्थना म्ह धन्यवाद करण आळयां का मुखिया था, अर बकबुक्याह अपणे भाईयाँ म्ह दूसरा पद राक्खै था; अर अब्दा जो शम्मू का बेट्टा, अर गालाल का पोत्ता, अर यदूतून का पड़पोत्ता था। जो लेवीय पवित्र नगर यरुशलेम म्ह रहवै थे, वो सारे मिलाकै दो सौ चौरासी थे।
अक्कूब अर तल्मोन नाम के द्वारपाल अर उनके भाई जो फाटकां के रुखाळे थे, एक सौ बहत्तर थे। बाकी इस्राएली याजक अर लेवीय, यहूदा के सारे नगरां3 म्ह अपणे-अपणे भाग पै रहवै थे। नतीन माणस ओपेल नाम के यरुशलेम कै हिस्से म्ह रहवै; अर नतिना के उप्पर सीहा, अर गिश्पा4 ठहराए गए थे।
जो लेवीय यरुशलेम म्ह रहकै परमेसवर के भवन के काम म्ह लाग्गे रहवै थे, उनका मुखिया आसाप के वंश के गवैयां म्ह का उज्जी था, जो बानी का बेट्टा था, यो हशब्याह का बेट्टा, यो मत्तन्याह का बेट्टा अर यो हशब्याह का बेट्टा था। क्यूँके उनकै बारै म्ह राजा का हुकम था5, अर गवैयां के रोज की जरूरत कै मुताबिक ठीक प्रबन्ध था6। प्रजा के सारे काम खात्तर मशेजबेल का बेट्टा पतह्याह जो यहूदा के बेट्टे जेरह के वंश म्ह था, वो राजा कै धोरै रह्या करदा।
बाकी नगरां के बासिंदे
बचे होए गाम अर उनके खेत, सो किमे यहूदी किर्यतअर्बा7, अर उनके गाम म्ह, किमे दीबोन, अर उसके आस पास के गाम्मां म्ह, किमे यकब्सेल अर उसके गाम्मां म्ह रहवैं थे। फेर येशुअ, मोलादा, बेत्पेलेत; हसर्शूआल, अर बेर्शेबा अर उसके गाम्मां म्ह; अर सिकलग अर मकोना अर उनके गाम्मां म्ह; एन्निम्मोन, सोरा, यर्मूत, जानोह अर अदुल्लाम अर उनके आस पास के गाम्मां म्ह, लाकीश, अर उसके खेत्तां म्ह, अजेका अर उसके गाम्मां म्ह वे बेर्शेबा तै ले हिन्नोम की तराई ताहीं डेरे डाले होए रहवैं थे। बिन्यामीनी गेबा तै लेकै मिकमाश, अय्या अर बेतेल अर उसके आस पास के गाम्मां म्ह; अनातोत, नोब, अनन्याह, हासोर, रामाह, गित्तैम, हादीद, सबोईम, नबल्लत, लोद, ओनो अर कारीगरां की तराई ताहीं रहवैं थे। यहूदा के किमे लेवियाँ के दल बिन्यामीन के प्रान्तां म्ह बसगे।
Source notes (7)
- Footnote नौ माणस बाकी नगरां म्ह बसै। यरुशलेम यहूदा परदेस की राजधानी थी; इस करकै, हाकिम ओड़ै रह्या करदे।
- Footnote परमेसवर के भवन के बाहरी काम जिसे नई कर वसूली (नहे. 10:32), निमित बलियाँ शरुआत का स्मरण।
- Footnote यहूदा के सारे नगरां तै अपणे देश बोहड़ण आळे समुदाय दो खास गोत्र के सदस्य ए थे पर जिस धरती पै वे निवास करैं थे वो यहूदा राज्य की धरती थी।
- Footnote उप्पर सीहा, अर गिश्पा जेहा अर गिश्पा मन्दर के सेवकां के अधिकारी थे
- Footnote राजा का हुकम था मन्दर की सेवा म्ह नियुक्त सेवकां के बारै म्ह अर्तक्षत्र नै अपणी आच्छी भावना चुंगी माफ करण के जरिये प्रगट करी थी। (एज्रा 7:24) इब उसनै राज्य के खजान्ने म्ह तै गवैयां कै खात्तर मत्त भी नियुक्त कर दिया था।
- Footnote एज्रा 6:1-12
- Footnote किर्यतअर्बा हेब्रोन का पुराणा नाम (यहोशू 14:15)
Haryanvi Bible. Copyright © Beyond Translation. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.