Haryanvi Bible
यिर्मयाह 45
बारूक के खात्तर परमेसवर का सन्देस
योशिय्याह के बेट्टे यहूदा के राजा यहोयाकीम के राज्य के चौथे साल म्ह, जिब नेरिय्याह का बेट्टा बारूक यिर्मयाह नबी तै भविष्यवाणी के ये वचन सुणकै किताब म्ह लिख चुक्या था, फेर उसनै उसतै यो वचन कह्या: “इस्राएल का परमेसवर यहोवा, तेरै तै न्यू कहवै सै, हे बारूक, तन्नै कह्या, ‘हाय मेरे पै! क्यूँके यहोवा नै मेरे ताहीं दुःख पै दुःख दिया सै; मै कराहन्दे-कराहन्दे थक ग्या1 अर मेरे ताहीं कुछ चैन न्ही मिलदा।’ तू इस तरियां कह, यहोवा न्यू कहवै सै: देख, इस सारे देश नै जिस ताहीं मन्नै बणाया था, उसनै मै आप ढ़ा देऊँगा, अर जिन ताहीं मन्नै बोया था, उननै खुद उखाड़ फेंक्कूँगा। इस करकै सुण, के तू अपणे खात्तर बड़ाई खोज रह्या सै? उस ताहीं ना खोज; क्यूँके यहोवा की या वाणी सै, के मै सारे माणसां पै विपत्ति गेरूँगा; पर जित्त किते तू जावैगा ओड़ै मै तेरी जान बचाकै तेरे ताहीं जिन्दा राखूँगा।”
Source notes (1)
- Footnote मै कराहन्दे-कराहन्दे थक ग्या बारूक यहूदिया देश के पाप कै कारण घणा दुखी था अर परमेसवर नै भी उसके आणआळे कठोर सजा ताहीं प्रगट करकै उसका दुःख अर बढ़ा दिया।
Haryanvi Bible. Copyright © Beyond Translation. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.