Haryanvi Bible
एज्रा 2
बोहड़े होए यहूदियाँ का बखान
इब जिननै बेबीलोन का राजा नबूकदनेस्सर यरुशलेम और यहूदा तै बाबेल म्ह बन्दी बणाकै लेग्या था, उन म्ह तै प्रान्त के जो माणस गुलाम्मी तै छूट कै अपणे-अपणे नगर म्ह बोहड़े वे ये सैं। ये जरुब्बाबेल1 कै गैल आए, येशुअ, नहेम्याह, सरायाह, रेलायाह, मोर्दकै, बिलशान, मिस्पार, बिगवै, रहूम अर बानाह।
इस्राएली प्रजा के माणसां की गिणती या सै: परोश की औलाद दो हजार एक सौ बहत्तर, शपत्याह की औलाद तीन सौ बहत्तर, आरह की औलाद सात सौ पिचेहत्तर, पहत्मोआब की औलाद येशुअ अर योआब की औलाद म्ह तै दो हजार आठ सौ बाराह, एलाम की औलाद बाराह सौ चौवन, जत्तू की औलाद नौ सौ पैंतालीस, जक्कई की औलाद सात सौ साठ, बानी की औलाद छः सौ बयाळीस, बेबै की औलाद छः सौ तेईस, अजगाद की औलाद बाराह सौ बाईस, अदोनीकाम की औलाद छः सौ छियासठ, बिगवै की औलाद दो हजार छप्पन, आदीन की औलाद च्यार सौ चौवन, हिजकिय्याह की औलाद आतेर की औलाद म्ह तै अठानवे, बेसै की औलाद तीन सौ तेईस, योरा के सन्तान एक सौ बाराह, हाशूम के सन्तान दो सौ तेईस, गिब्बार के सन्तान पिचाणवे, बैतलहम नगर के माणस एक सौ तेईस, नतोपा नगर के माणस छप्पन; अनातोत नगर के माणस एक सौ अट्ठाईस, अज्मावेत नगर के माणस बयाळीस, किर्यत्यारीम कपीरा अर बेरोत नगर के माणस सात सौ तैंतालीस, रामाह अर गेबा नगर के माणस छः सौ इक्कीस, मिकमाश नगर के माणस एक सौ बाईस, बेतेल अर आई नगर के माणस दो सौ तेईस, नबो नगर के माणस बावन, मग्बीस की माणस एक सौ छप्पन, दुसरे एलाम की औलाद बाराह सौ चौवन, हारीम की औलाद तीन सौ बीस, लोद, हादीद अर ओनो के माणस सात सौ पच्चीस, यरीहो नगर के माणस तीन सौ पैंतालीस, सना के माणस तीन हजार छः सौ तीस। फेर याजकां यानिके येशुअ के घरान्ने म्ह तै यदायाह की औलाद नौ सौ तिहत्तर, इम्मेर की औलाद एक हजार बावन, पशहूर की औलाद बाराह सौ सैंतालीस, हारीम की औलाद एक हजार सत्रह
फेर लेवीय, यानिके येशुअ की औलाद अर कदमीएल की औलाद होदव्याह की औलाद म्ह तै चौहत्तर। फेर गवैयां म्ह तै आसाप की औलाद एक सौ अट्ठाईस। फेर मन्दर के दरबानां की औलाद, शल्लूम की औलाद, आतेर की औलाद, तल्मोन की औलाद, अक्कूब की औलाद, हतीता की औलाद, अर शोबै की औलाद, यो सब मिलाकै एक सौ उनताळिस होए। फेर मन्दर के सेवादार2 की औलाद, सीहा की औलाद, हसूपा की औलाद, तब्बाओत की औलाद। केरोस की औलाद, सीअहा की औलाद, पादोन की औलाद, लबाना की औलाद, हगाबा की औलाद, अक्कूब की औलाद, हागाब की औलाद, शल्मै की औलाद, हानान की औलाद, गिद्देल की औलाद, गहर की औलाद, रायाह की औलाद, रसीन की औलाद, नकोदा की औलाद, गज्जाम की औलाद, उज्जा की औलाद, पासेह की औलाद, बेसै की औलाद, अस्ना की औलाद, मूनीम की औलाद, नपीसीम की औलाद, बकबूक की औलाद, हकूपा की औलाद, हर्हूर की औलाद। बसलूत की औलाद, महीदा की औलाद, हर्शा की औलाद, बर्कोस की औलाद, सीसरा की औलाद, तेमह की औलाद, नसीह की औलाद, अर हतीपा की औलाद।
फेर राजा सुलैमान के नौकरां की औलाद, सोतै की औलाद, हस्सोपेरेत की औलाद, परूदा की औलाद, याला की औलाद, दर्कोन की औलाद, गिद्देल की औलाद, शपत्याह की औलाद, हत्तील की औलाद, पोकरेत-सबायीम की औलाद, अर आमी की औलाद। सारे मन्दर के सेवादार3 अर सुलैमान के नौकरां की औलाद, तीन सौ बाणवै थे।
फेर जो तेल्मेलाह, तेलहर्शा, करूब, अद्दोन अर इम्मेर नगरां तै आए, पर वे अपणे-अपणे पितरां के घरान्ने अर पीढ़ी ना बता सके के वे इस्राएल के सैं, वे ये सै: यानिके दलायाह की औलाद, तोबियाह की औलाद अर नकोदा की औलाद, जो मिलकै छः सौ बावन थे। याजकां की औलाद म्ह तै हबायाह की औलाद, हक्कोस की औलाद अर बर्जिल्लै की औलाद, जिसनै गिलादी बर्जिल्लै की एक बेट्टी ताहीं ब्याह लिया अर उसे का नाम धर लिया था। इन सब नै अपणी-अपणी पीढ़ी का पत्र औरां की पीढ़ी की पोथियां म्ह टोहया, पर वे ना मिले, ज्यांतै वे अशुद्ध ठैहरा कै याजक पद तै लिकाड़े गए। अर अधिपति नै उनतै कह्या, के जिब ताहीं ऊरीम अर तुम्मीम4 धारण करण आळा कोए याजक ना हो, तब ताहीं कोए परमपवित्र चीज खाण न्ही पावै।
सारी मण्डळी मिलकै बयाळीस हजार तीन सौ साठ की थी। इननै छोड़ इनके सात हजार तीन सौ सैंतीस दास-दास्सी अर दो सौ गाणआळे अर गाण आळी थी। उनके घोड़े सात सौ छत्तीस, खच्चर दो सौ पैंतालीस, ऊँट च्यार सौ पैंतीस, अर गधे छः हजार सात सौ बीस थे।
पितरां के घरान्यां के किमे खास-खास माणसां नै जिब यहोवा के भवन नै जो यरुशलेम म्ह सै, आए, फेर परमेसवर के भवन ताहीं उसे की जगहां पै खड़या करण खात्तर अपणी-अपणी इच्छा तै किमे दिया। उननै अपणी-अपणी पूँजी कै मुताबिक इकसठ हजार दर्कमोन सोन्ना5 अर पाँच हजार माने6 चाँदी अर याजकां कै लायक एक सौ अंगरखे अपणी-अपणी इच्छा तै उस काम के खजान्ने म्ह दे दिए।
फेर याजक अर लेवीय अर माणसां म्ह तै किमे और गवैयां अर द्वारपाल अर मन्दर के सेवादार7 अपणे नगर म्ह अर सारे इस्राएली अपणे-अपणे नगर म्ह फेर बसगे।
Source notes (7)
- Footnote जरुब्बाबेल एक हिब्रू नाम सै, जिसका अर्थ शायद बाबेल की डाळी या बाबेल म्ह बिखरया होया सै, पर यो मूल रूप तै बेबीलोनियाई हो सकै सै। दारा के बखत म्ह जरुब्बाबेल यहूदा का राज्यपाल था
- Footnote मन्दर के सेवादार नतीन
- Footnote मन्दर के सेवादार नतीन
- Footnote ऊरीम (जिसका अर्थ सै शाप) अर तुम्मीम (जिसका अर्थ सै पूर्णता) हाँ या ना जाणण खात्तर जाण्या जावै था। महायाजक नै विचार करे गए मामले ताहीं सकारात्मक या नकारात्मक उत्तर नै निर्धारित करण कै खात्तर उननै पासे की तरियां फेंक दिया, 1 शमू. 14:41-42
- Footnote दर्कमोन सोन्ना पाँच सो किलोग्राम
- Footnote माने 2.8 टन चाँदी
- Footnote मन्दर के सेवादार नतीन
Haryanvi Bible. Copyright © Beyond Translation. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.