एस्तेर

एस्तेर की किताब

लेखक

इस किताब का लेखक अनजाण जिसका कोए पता न्ही सै पक्‍के अन्दाजे तै कोए यहूदी था जो फारस के राज-दरबार का आच्छी ढाळ तै जाणण आळा था। इस किताब म्ह बताए राज-दरबार के बखान अर रीति-रिवाज अर घटना एक प्रत्यक्ष गवाह की ओड़ इशारा करै सै। विद्वानां का विचार सै के वो एक यहूदी था जिसनै जरुब्बाबेल की अगुवाई म्ह यहूदिया बोहड़ आण आळे बाक्‍की यहूदियाँ खात्तर इस किताब ताहीं लिख्या था। कईयाँ का सुझाव सै के मोर्दकै खुद इस किताब का लिखण आळा सै, जिब के किताब म्ह उसकी प्रशंसा तै योए सुझाव मिलै सै के लेखक कोए और सै, हो सकै सै उन बखतां के जवान्‍नां म्ह तै एक।

लिखण की तारिख अर जगहां

लगभग 464-331 ई. पू.

या कहाँनी फारस के राजा क्षयर्ष के राज्य के बखत की सै, खासकर शूशन गढ़ का राजमहल जो फारसी साम्राज्य की राजधानी थी।

प्रापक

या किताब यहूदियाँ खात्तर लिखी गई थी ताके यहूदी त्यौहार पूरीम के शरु का बखान प्रस्तुत करै। यो सालाना त्यौहार यहूदियाँ कै खात्तर परमेसवर के उद्धार नै याद करावै सै जो मिस्र तै उनकी मुक्ति के जिसा था।

मकसद

इस किताब का मकसद सै के इन्सान की इच्छा म्ह परमेसवर का हस्तक्षेप, जात्तीवाद भेद-भाव कै खात्तर उसकी घृणा अर मुसीबत म्ह बुद्धि देण की उसकी क्षमता ताहीं दिखाया जावै। माणसां की जिन्दगी म्ह परमेसवर का हाथ काम करै सै। उसनै एस्तेर के जीवन के हालात ताहीं उस्से तरियां काम म्ह लिया जिसा वो सारे माणसां के फैसले अर काम्मां ताहीं अपणी योजना अर मकसद नै निमित्त दिव्य विधान स्वरूप काम म्ह लेवै सै। एस्तेर की किताब पूरीम के त्यौहार की स्थापना का लेखा प्रस्तुत करै सै। यहूदी आज भी पूरीम के त्यौहार म्ह एस्तेर की किताब पढै़ सै।

खास बातें

परिक्षेपण

रूपरेखा

1. एस्तेर का राणी बणणा

2. परमेसवर के यहूदियाँ का संकट

3. एस्तेर अर मोर्दकै का काम

4. यहूदियाँ का छुटकारा