जकर्याह 7

झूठो उपास की बुराई

1फिर दारा राजा को चऊथो साल को किसलेव1 नाम नऊवो महीना को चऊथो दिन ख प्रभु यहोवा को वचन जकर्याह को नजीक पहुँचियो। 2बेतेलवासी हुन न सरेसेर अर रेगेम्मेलेक ओका अदमी हुन ख एकोलाने भेजो हतो कि यहोवा से बिनती करे, 3अऊर सेनाओ को यहोवा को भवन को याजक हुन से अऊर भविस्यवक्‍ता हुन से भी यू पूछे, “का हम ख उपास कर ख रोनो चाहिए, जसो कि कुछ साल से हम पाँचवो महा म करते आया है?” 4तब सेनाओ को यहोवा को यू वचन मोरो जोने आयो। 5“सब आम इंसान हुन से अर याजक हुन से कैय कि जब तुम यी सत्तर साल को बीच पाँचवो अऊर सातवो महीना म उपास अर सोक करत रह, तब का तुम सचमुच मोरो ही लाने उपास करत रह? 6जब तुम खावा पिवा है, तब का तुम अपनो लाने नी खावा, अऊर का अपनो लाने नी पीवत रह? 7का उ वचन नी है, जो यहोवा पुरानो जमाना को भविस्यवक्‍ता हुन को दुवारा उ बखत चिल्ला ख कहत रह, जब यरूसलेम नगर अपनो चारी तरफ को नगर हुन सहीत खुसहाल से बसो हुओ थो, अऊर दक्छिन देस अऊर नीचू को देस भी बसियो थो?”

आग्या नी माननू को दुवारा गुलामी म जानू

8फिर यहोवा को यू वचन जकर्याह को जोने पहुँचो: 9“सेनाओ को यहोवा न असो कहयो है, खराई से न्याय चुकानो, अऊर एक दुसरा को संग भई जसो प्रेम अऊर दया से काम करनो2, 10विधवा, अनाथ, परदेसी अऊर गरीब पर अत्‍याचार मत करनो। तुम म से कोई भी व्यक्‍ति अपनो भई-बन्ध को प्रति अपनो मन म बुराई की कल्‍पना भी मत करनो।” 11पर मन लगानो नी चाहयो, अऊर हट करियो, अऊर अपनो कान हुन ख बन्द कर लियो ताकि ऊ सुन नी सके।3 12पर उन न अपनो मन ख एकोलाने पत्थर-जसो बना लियो कि वी उ नेम अर उ वचन हुन ख नी मान सके, जिन ख सेनाओ को यहोवा न अपनो आत्मा को दुवारा पुरानो जमाना को भविस्यवक्‍ता हुन से वचन कहला भेजो थो। यू वजे से सेनाओ को यहोवा की ओर से उन पर बड़ो घुस्सा भड़को। 13सेनाओ को यहोवा को यूही वचन आय: “जसो मोरो पुकारनो पर उन न नी सुनियो, वसो ही उनको आवाज देवन पर मी भी नी सुनूँगा; 14पर मी उन ख उन सब राज्य हुन को बीच जिनका वी नी जानह, आँधी को दुवारा इते-उते कर दूँगो, अऊर उनको देस उन को पीछे असो उजाड़ पड़ो रहेगो कि ओ म से कोई को आनो जानो नी होयगो; यू तरीका से उनना खुसहाल देस ख उजाड़ दियो।” 4