जकर्याह 6

चार रथ हुन को दर्सन

1मी न फिर आँखी ऊपर उठाई, अऊर का देखो कि दो पहाड़ हुन को बीच म से चार रथ चलते आवा है; अर वी पहाड़ हुन पीतल ख है। 2पहले रथ म लाल घोड़ा हुन, अर दुसरो रथ म कालो घोड़ा,1 3तीसरो रथ म सपेत अऊर चऊथो रथ म चितकबरो मजबुत घोड़ा है। 4तब मी न ऊ दूत से जो मो से बात करत रह पुछियो, “हे मोरो प्रभु, यू सब का आय?” 5दूत न मो से कहयो, “यी बद्दल की चार हवा कि आत्मा आय। जो पूरी दुनिया को प्रभु को जोने खड़ा रहवा है, पर अब निकल ख आया है। 6जो रथ म कालो घोड़ा है, उ उत्तर देस की तरफ जावा है, अऊर सफेद घोड़ा उन को पीछे पीछे चलते पस्चिम की तरफ जावा है, अऊर चितकबरो घोड़ा दक्छिन देस की तरफ जावा है। 7चितकबरो मजबूत घोड़ा हुन न निकल ख चाहयो कि जाय ख जमीन पा फेरा लगाय।” एकोलाने दूत न कहयो, “जाय ख जमीन पा फेरा करे।” तब वी जमीन पर फेरा करन लग गया। 8तब ओ न मो से पुकार ख कहयो, “देख, वी जो उत्तर को देस की तरफ जावा है, उन न वहाँ मोरो आत्मा ख सान्त करयो है।”

यहोसू को राजतिलक

9फिर यहोवा को यू वचन मोरो जोने आयो। 10“गुलामी ख लोग हुन म से, हेल्दै,” तोबिय्याह अऊर यदायाह से कुछ ले अऊर उही दिन तू सपन्याह को पोरिया योसियाह को घर म जा ख जो म वी बेबीलोन से आ ख उतरिया है। 11उन को हात से सोना-चाँदी ले, अर मुकुट बना ख उन ख यहोसादाक2 को पोरिया यहोसू बड़ो याजक को सिर प रख; 12अऊर ओसे यू बोल, सेनाओ को यहोवा यू कहवा है, उ अदमी ख देख जेको नाम डगियान है, उ अपनी ही जगह म उग ख प्रभु को मन्दिर ख बनाहे। 13उ प्रभु यहोवा को भवन ख बनाएगो अऊर महिमा पाएगो, अऊर अपनो सिंहासन पर बठ ख प्रभुता करेगो। ओको सिंहासन को जोने एक याजक भी बठो रहेगो, अऊर दोई को बीच म मेल जोल की सहमति होयगी। 14अऊर वी मुकुट हेलेम, तोबिय्याह, यदायाह, अऊर सपन्याह को पोरिया हेन ख मिलियो, अऊर वी प्रभु को मन्दिर म याददास को लाने होयगो। 15“फिर दुर दुर ख अदमी हुन आ ख यहोवा को मन्दिर बनानो म मदत करेगो, अऊर तुम समझेगो कि सेनाओ को यहोवा न मो ख तुम्हारा नजीक भेजो है। अदि तू मन लगा ख अपनो परमेस्वर यहोवा को हुकुम को पालन करो तो यू बात पूरी होए।”