भजन 91

परमेस्वर हमरो रक्छक

1जो परमप्रधान को छायो वालो स्थान म बठो रहेगो,

ऊ सर्वसक्तिमान की छाय म ठिकाना पाएगो।

2मी यहोवा को बारे म कहूँगो,

“ऊ मोरो सरणस्थान अर गढ़ है;

ऊ मोरो परमेस्वर है, मी ओ पर भरोसा रखूँगो।”

3ऊ तोका बहेलिया को जाल से,

अऊर महामारी से बचाएगो;

4ऊ तोका ओका पंख हुन की आड़ म ले लेगो,

अर तू ओका पंख हुन को नीचे सरण पाएगो,

ओकी सच्चई तोरो लाने वफादारी रक्छा अऊर बचाव करेगी।

5तू नी रात को डर से डरेगो,

अर नी वा तीर से जो दिन ख उड़ा है,

6नी वा मरी से जो अन्धेरा म फैला है,

अर नी ऊ बड़ोरोग से जो अर दिन-धुपेर म उजाड़ा है।

7तोरो जोने हजार, अर तोरी जेवनी ओर दस हजार गिड़ेगो;

पर ऊ तोरो नजीक नी आएँगो।

8पर तू तोरी आँख हुन से देखेगो

अर पापी हुन को सजा ख देखेगो।

9हे यहोवा, तू मोरो सरणस्थान ठैरियो है।

तू न जो परमप्रधान ख अपनो रहन की जगा बनवा है,

10एकोलाने कोई विपत्ति तोपर नी पडेगो,

नी कोई दुख तोरो डेरा को जोने आएँगो।

11काहेकि ऊ ओका दूत हुन का तोरो सामने आदेस देगो,

कि जिते कहीं तू जाहे वी तोरी रखवाली करे।

12वी तोका हात ही हात उठा लेगो,

असो नी होय कि तोरा पाय म पत्थर से ढ़च लगे।

13तू सेर अर साँप ख चेंदेगो,

तू जवान सेर अर अजगर ख पछाढ़ेगो।

14ओ न जो मोसे प्रेम करियो है, एकोलाने म ओका छुड़ाऊँगो,

मी ओका ऊँची जगा पर रखूँगो,

काहेकि ओ न मोरो नाम ख जान लियो है।

15जब ऊ मोका पुकारे, तब मी ओकी सुनूँगो,

संकट म मी ओको संग रहूँगो,

मी ओका बचा ख ओको महिमा करूँगो।

16मी ओका लम्बी ऊमर देका खुस करूँगो,

अर ओको करो वालो उद्धार को दर्सन दिखाऊँगो।