भजन 89

रास्ट्रीय विपत्ति को बखत स्तुति गान

एतान एज्रावंसी को मस्कील

1मी यहोवा की सारी करूणा प्रेम को बारे म सदा गाते रहूँगो;

मी अपनो मुढो से तोरी सच्चई पीढ़ी से पीढ़ी तक बताते रहूँगो।

2काहेकि मी न कयो, “तोरी करूणा हमेसा हमेसा बनी रहेगो,

तू स्वर्ग म तोरी सच्चई ख स्थिर रखेगो।”

3तू न कयो, “मी न मोरा चुनिया वाला से करार बाँधियो है,

मी न मोरो दास दाऊद से कसम खई है,

4‘मी तोरो वंस ख सदा स्थिर रखूँगो;

अर तोरी राजगद्दी ख पीढ़ी से पीढ़ी तक बनायो रखूँगो’।”

(सेला)

5हे यहोवा, स्वर्ग म तोरा हईब ख काम की,

अर सुध्द हुन की सभा म तोरी सच्चई की बड़ाई होयगो।

6काहेकि आकासमण्डल म यहोवा को तुल्य कोन ठहरेगो?

बलवान हुन ख पोरिया हुन म से कोन है जेको संग यहोवा की उपमा दी जाएगो?

7परमेस्वर सुध्द इंसान हुन की सभा म बड़ाई को लायक है,

अऊर ओका चारी तरफ सबरा रहन वाला से जादा डर को लायक है।

8हे सर्व सक्तिमान परमेस्वर, तोरो समान कोन है?

तोरी सच्चई तो तोरो चारी तरफ है!

9तू उफान मारन वालो समुंदर पर सासन करा है;

जब ओकी लहर हुन उठा हैं,

तब तू उनका सान्त कर दे है।

10तू न रहब ख मार दियो को समान कुचल डाल्यो,

अर तोरा दुस्मन हुन ख अपनी तागत से तितर बितर करियो है।

11आकास तोरो है, पृथ्वी भी तोरी है;

दुनिया अर जे कुछ ओ म है, ओका तू ही न स्थिर करियो है।

12उत्तर अर दक्छिन ख तू ही न बनायो है; ताबोर,

अर हेर्मोन पहाड़ तोरो नाम को जयजयकार करा हैं।

13तेरी भुजा तागत वार है;

तोरो हात सक्‍तिमान अर तोरो जेवनो हात सक्तिसाली है।

14तोरो सिंहासन को मूल, धरम अर न्याय है;

करूणा अर सच्चई तोरो आगे आगे चला है।

15का ही धन्य है, हे प्रभु वी इंसान हुन कित्ता खुस भया है,

जे गाना से तुमरी अराधना करा है,

जे तोरी उपस्थिति को उजेला म रहवा है।

16वी तोरो नाम को लाने दिन भर मगन रहवा हैं,

अर तोरी नेकी को कारन स्तुति करह है।

17काहेकि तू उनको सक्ति की सोभा है,

अर तोरी खुसी से हमरो सींग ख ऊँचो करेगो।

18काहेकि हमरी ढाल यहोवा की तरफ से है,

हमरो राजा इस्राएल को सुध्द की तरफ से है।

दाऊद को संग परमेस्वर को वादा

19एक बखत तू न अपनो भक्त ख दर्सन दे ख बात हुन करी,

अर कही, “मी न सहायता करन को बोज एक वीर पर रख्यो है,

अर प्रजा के लोगो म से एक ख चुन ख बढ़ायो है।

20मी न मोरो दास दाऊद ख लेखा,

मोरो पवित्र तेल से ओको अभिसेक करियो है।1

21मोरो हात ओको संग बनो रहेगो,

अर मोरी भुजा ओका मजबुत बनाएगी।

22दुस्मन ओका तंग कर नी पाएगो,

अर न बेईमान इंसान ओका दुख दे पाएगो।

23मी ओको सतरू हुन ख ओको सामने से नास करूँगो,

अर ओका बैरी हुन ख मार डालूँगो।

24पर मोरी सच्चई अर करूणा ओपर बनी रहेगो,

अर मोरो नाम को कारन ओको सींग ऊँचो हो जाएगो।

25मी समुंदर ख ओको हात को नीचे

कि अर नद्दी ख ओको जेवनो हात को नीचे कर दूँगो।

26ऊ मोका कैय ख कहेगो, ‘तू मोरो बाप है,

मोरो परमेस्वर अर मोरो उद्धार की चट्टान है।’

27फिर मी ओका अपनो पहिलोठो,

अर पृथ्वी ख राजा हुन पा मुखिया ठहराऊँगो।

28मी अपनी करूणा ओपर सदा बनायो रहूँगो,

अर मोरो वादा ओको लाने अटल रहेगो।

29मी ओको वंस ख सदा बनायो रखूँगो

अर ओकी राजगद्दी स्वर्ग को समान हमेसा बनी रहेगो।

30अदि ओका वंस ख इंसान मोरी व्यवस्था ख छोड़ें,

अर मोरा नेम हुन को हिसाब से न चलें,

31अदि वी मोरी नेम को उलंघन करें,

अर मोरी आग्या हुन ख नी माने,

32ते मी उनको पाप को दण्ड सोटा से,

अर उनको अपराध को दण्ड कोड़ा हुन से दूँगो।

33पर मी मोरी करूणा ओपर से नी हटान को,

अर न सच्चई त्याग ख झूटो व्यवाहर नी करुगो।

34मी मोरी वादा नी टोड़न को,

अर जो मोरो होठ हुन से निकल चुको है, ओका नी बदलन को।

35एक बार मी मोरी पवित्रता की कसम खा चुको है;

मी दाऊद ख कभी धोका नी देनको।

36ओको वंस हमेसा रहेगो,

अर ओकी राजगद्दी सूरज को समान मोरो सामने ठैरी रहेगो।

37ऊ चंदा को समान, अर आकासमण्डल को भरोसा लायक;

गवाह को समान हमेसा अटल रहेगो।”

(सेला)

राजा कि हार पा सोक

38तेभी तू न तोरो अभिसिक्‍त ख छोड़ो

अर ओका तज दियो, अर ओपर बेजा घुस्सा करियो है।

39तू न तोरो दास को संग करो वादा ख त्याग दियो,

अर ओको मुकुट ख जमीन पा गिड़ा ख असुद्ध करियो है।

40तू न ओको सब बाडा हुन ख टोड़ डाल्यो है,

अर ओका गढ़ हुन ख उजाड़ दियो है।

41सब रस्ता म चलन वाला उनका लूट लेवा हैं,

अर ओका पड़ोसी हुन म ओकी नामधरई होय है।

42तू न ओका बैरी हुन ख प्रबल करियो;

अर ओका सब सतरू हुन ख आनन्दित करियो है।

43फिर तू ओकी तरवाल की धार ख मोड़ देवा है,

अर युद्ध म ओका पाय जमन नी देवा।

44तू न ओको तेज हर लियो है,

अर ओको सिंहासन ख जमीन पा गिरा दियो है।

45तू न ओकी जवानी ख घटायो,

अर ओका लज्जा से ढाँप दियो है।

(सेला)

छुटकारा को लाने प्रार्थना

46हे यहोवा, तू कब तक लगातार मुँड़ो मोड़ ख रहेगो,

तोरी जलजलाहट गुस्सा कब तक आग को समान भड़की रहेगो।

47मोका याद कर कि मी कित्ता दिन को है,

तू न सब इंसान हुन ख काहे बेकार बनायो है?

48कोन अदमी सदा अमर रहेगो?

का कोई अपनी जान ख अधोलोक से बचा सका है?

(सेला)

49हे प्रभु, तोरी प्राचीनकाल की करूणा किते रई,

जेको बारे म तू न तोरी सच्चई की कसम दाऊद से खई रा?

50हे प्रभु, तोरा दास हुन की नामधरई की सुधि ले;

मी तो सब सामर्थी राज्य हुन सराप को बोझ ले ख चलू है।

51तोरा वी सतरूँ हुन न तो हे यहोवा,

तोरो अभिसिक्‍त को पीछे पड़ ख ओकी नामधरई करी है।

52यहोवा सदा धन्य रहेगो!

आमीन फिर आमीन!