भजन 88

मदद को लाने विनती

गीत; कोरहवंसी हुन को भजन। प्रधान बजानवाला को लाने: महलतलग्नोत राग म एज्रावंसी हेमान को मस्कील

1हे मोरो उद्धारकर्ता परमेस्वर यहोवा,

मी दिन ख अर रात ख तोरो आगे चिल्‍लाते आयो है।

2मोरी प्रार्थना तोरो तक पहुँचे,

मोरो चिल्‍लानो को तरफ कान लगा!

3काहेकि मोरी जान सताव से भरो पड़ो है,

अऊर मोरी जान अधोलोक को जोने पहुँची है।

4मी कबर को गड्डा म पड़नवाला म गिनो गयो है;

मी कमजोर अदमी को जसो हो गयो है।

5मी मुर्दा हुन को बीच छोड़ो गयो है,

अऊर जो दुख झेल ख कबर म पड़िया हैं,

जिनका तू फिर ध्यान नी करा अऊर वी तोरी सहायता से दुर हैं,

उनको समान मी हो गयो है।

6तू न मोका गड्ड़ा को तल ही म,

अन्धेरा अर गहरो स्थान म रख्यो है।

7तोरी जलजलाहट मोपर ही बनी हुई है,

अर तू न तोरी सब तरंग हुन से मोका दुख दियो है।

(सेला)

8तू न मोरा पहिचानवाला हुन ख मोसे दूर करियो है;

अर मोका उनकी नजर म बुरो करियो है।

मी बन्धीयो है अर निकल नी सकूँ;

9दुख भोगते भोगते मोरी आँखी धुन्धली पड़ गई है।

हे यहोवा, मी हर एक दिन तोका पुकारते अर

मोरा हात तोरी तरफ फैलाते आयो हूँ।

10का तू मुर्दा हुन को लाने अदभुत काम करेगो?

का मरिया इंसान उठ ख तोरो धन्यवाद करेगो?

(सेला)

11का कबर म तोरी करूणा को,

अर नास की दसा म तोरी सच्चई को बखान करो जाएगो?

12का तोरा अदभुत को काम अन्धकार म,

या तोरो धरम विस्वासघात की दसा म जानो जाएगो?

13पर हे यहोवा, मी न तोरो नाम ख याद करयो है;

अर भुंसारे ख मोरी प्रार्थना तोरो तक पहुँचेगो मोरी मदद कर।

14हे यहोवा, तू मोका काहे छोड़ा है?

तू तोरो मुंड़ो मोसे काहे लुकायो रहवा है?

15मी बचपन ही से दुखी अऊर मऊत को जोने है,

तोसे डर खाते मी बेजा घबरा गयो है।

16तोरो घुस्सा मोपर पड़ियो है;

ऊ डर से मी मिट गयो है।

17ऊ दिन भर पानी को समान मोका घेरो रहवा है;

ऊ मोरी चारी तरफ दिखई देवा है।

18तू न मोरो प्यारो दोस्त अर भई बन्धु दोई ख मोसे दूर करियो है;

अर वी अंधकार को करीब म है।