भजन 79

देस को छुटकारा को लाने प्रार्थना

आसाप को भजन

1हे परमेस्वर, अन्य जात हुन तोरो खुदको भाग म घुस अईं;

उन न तोरो पवित्र मन्दिर ख असुद्ध करियो;

अर यरूसलेम ख खण्ड़र बना दियो है।1

2उन न तोरा दास हुन की लास ख आकास ख पक्छी हुन को कलेवा कर दियो,

अर तोरा भक्‍त हुन को मांस जंगली जानवर हुन ख खला दियो है।

3उन न उनको खून यरूसलेम को चारी तरफ

पानी को समान बहायो,

अऊर उनका मट्टी देनवाला कोई नी हता।

4पड़ोसी हुन को बीच हमरी नामधरई भई;

चारी तरफ ख रहवनवाला हम पा हँसा, अऊर चुगली करा है।

5हे यहोवा, तू कब लक लगातार घुस्सा करते रहेगो?

तोमा आग की सी जलन कब लक भड़कते रहेगो?

6जो रास्ट्र तोका नी जाना, उ अर जे राज्य हुन ख इंसान हुन तोसे

प्रार्थना नी करा, उन्ही पा अपनी सब घुस्सा भड़का!

7काहेकि उन न याकूब ख गिल लियो,

अर ओकी रहन की जगा ख उजाड़ दियो है।

8हमरी हानि को लाने हमरा पुरखा हुन ख

अधर्म ख काम हुन ख याद मत करा;

तोरी दया हम पा तुरत होय,

काहेकि हम बड़ी दुर्दसा म पड़िया है।

9हे हमरो उद्धारकर्ता परमेस्वर,

अपनो नाम की महिमा को निमित हमरी सहायता कर;

अऊर अपनो नाम को निमित हम ख छुड़ा ख

हमरा पाप हुन ख छमा कर दा।

10अन्य देस हुन काहे कहन लग जाय कि उनको

परमेस्वर कहाँ रयो?

अन्य देस हुन को बीच तोरा दास हुन को खून को

पलटा लेनो हमरो आँखी को सामे मालूम हो जाए।

11बन्धि हुन को कराहनो तोरा कान तक पहुँचे;

मरन वाला हुन ख अपनो बल पा बचा।

12हे प्रभु, हमरा पड़ोसी हुन न जो तोरी बुरई करी है,

ओको सातगुणा बदला उनका दे!

13तब हम जो तोरी प्रजा अर तोरी चरई की भेड़ हुन है,

तोरो धन्यवाद सदा करते रहेगो

अऊर पीढ़ी से पीढ़ी तक तोरो गुणगान करते रहेगो।