Mehra
भजन 78
परमेस्वर अऊर ओको लोग
आसाप का मस्कील
हे मोरा इंसान हुन, मोरो ग्यान पा ध्यान देव;
मोरा वचन हुन को तरफ कान लगाव!
मी मोरो मुंड़ो दृस्टांत की बात कहन को लाने खोलूँगो;
मी पुरानो जमाना की राज की बात हुन कहूँगो,
जे बात हुन ख हम न सुन्यो, अऊर जान लियो,
अर हमरा बाप दादा हुन न हम ख बतायो है।
उन ख हम उनकी अवलाद से छुपा ख नी रखेंगो,
पर आवन वाली पीढ़ी ख इंसान हुन से,
यहोवा को गुणानुवाद अर ओकी सामर्थ
अऊर आस्चर्यकरम हुन को बखान करेगो।
ओ न तो याकूब म एक गवाह ठैरई,
अऊर इस्राएल म एक नेम चलायो,
जेको बारे म ओ न हमरा बाप दादा ख आदेस दीयो,
कि तुम इनका अपना-अपना बाल-बच्चा ख बतानो;
कि आनवाली पीढ़ी बात हुन ख बता सके
अनेकी जो बच्चा हुन पैदा होनवाला, वी इनका जाने;
अऊर अपना अपना बाल-बच्चा हुन ख या बात सिखा सके
जसो वी परमेस्वर को भरोसा रखें,
अऊर परमेस्वर ख बड़ा काम हुन ख भूल नी जाय,
पर ओकी आग्या हुन को पालन करते रहे;
अऊर अपना बाप-दादा हुन को समान नी होय,
काहेकि वा पीढ़ी ख इंसान तो हठीला अर झगड़ालू हतो,
अऊर उन न अपनो मन एकचित नी करियो रा,
अऊर न ओकी आत्मा परमेस्वर की तरफ सच्ची रही।
एप्रैमी लोग न तो सस्त्रधारी अर धनुसधारी होन पा भी,
युद्ध को बखत भाग गयो।
उन न परमेस्वर को नेम पुरो नी करयो,
अर ओको नेम पा चलनो से इन्कार करियो।
उन न ओका बड़ा काम हुन ख अर जो
अचरज ख काम ओ न उनको सामने करियो रा,
उन ख भुला दियो।
ओ न तो उनको बापदादा को सामने
मिस्र देस को सोअन को रफाड़ म हईब ख काम करो थो।
ओ न समुंदर ख दो भाग म कर ख उन ख पार करा दियो1
अर पानी ख दिवाल को जसो खड़ो कर दियो।
ओ न दिन म तो बादल को खम्भा से
अऊर रात म आगी को उजेला को दुवारा उनकी अगुवाई करी।2
ऊ रेगिस्तानी जंगल म चट्टान हुन फाड़ ख,
ओकी गहराई से मानो पानी निकाल ख पिलात रा।3
ओ न चट्ठान से भी पानी की धार हुन निकाली
अऊर नद्दी हुन को जसो पानी बहायो।
तेभी वी ओको खिलाप जादा पाप करते गया,
अऊर रेगिस्तान देस म परमप्रधान को खिलाप उठते रया।
उन न खुद की इच्छा पुरी करन को लाने खाना माँग कर
मन म परमेस्वर की परीक्छा करी।
वी परमेस्वर को खिलाप असा कहन लग गया,
“का परमेस्वर निर्जल परदेस म खाना को इंतजाम कर सका है?”
ओ न चट्टान ख मारयो ते पानी बहन लगो;
पानी की धार हुन उबाल मारन लग गई रा;
पर का ऊ रोटी भी दे सका है?
“का ऊ अपना खास इंसान हुन को लाने
मांस को इंतजाम कर सका है?”
यहोवा सुन ख घुस्सा से भर गयो,
तब याकूब को प्रति ओकी घुस्सा की आग भड़की,
इस्राएल को खिलाप ओको घुस्सा धधकन लग गयो।
एकोलाने कि उन न परमेस्वर पर भरोसा नी रख्यो थो,
न ओकी उद्धार करन की सक्ति पा भरोसा करयो।
फिर भी परमेस्वर न ऊँचो आकास-मण्डल ख अदेस दियो,
ओ न स्वर्ग को फाटक खोल दियो,
अऊर उनको लाने खान ख मन्ना बरसायो,
अऊर परमेस्वर न उनका स्वर्ग को अनाज दियो।4
इंसान हुन न स्वर्गदूत हुन की रोटी खई;
परमेस्वर न उनका पेट भर खाना खान ख दियो।
ओ न आकास म पुरवाई हवा चलायो,
अऊर अपनी सक्ती से दक्छिन हवा चलायो।
अऊर उनको लाने मांस धुड़ला को समान खुब बरसायो,
अर समुंदर की रेता को समान अनगिनित चिड़िया हुन भेज्या;
अऊर उनकी छावनी को बीच म
उनको रहन को चारी तरफ गिरायो।
उन न उनका खा ख पेट भरयो;
असो तरीका से परमेस्वर न उनकी मर्जी को अनुसार खान ख दियो।
अबी वी अपनी इच्छा ख पुरो कर भी नी पाया रा,
उनका खाना अबा उनको मुंड़ो म ही थो,
कि परमेस्वर को गुस्सा उनको खिलाप भड़कियो;
ओ न उनका बलवान इंसान हुन ख मार डाल्यो,
इस्राएल ख जवान हुन ख ओ न बिछा डाल्यो5
इत्तो पर भी वी अऊर जादा पाप करते गया;
अर परमेस्वर ख हईब ख काम हुन को भरोसा नी करयो।
तब ओ न उनका दिन हुन ख बेकार मेहनत म
अर उनका साल हुन अचानक डर म समाप्त करियो
जब उ, उनका मार डालन लगत रा,
तब वी ओका पूछत रा अऊर फिर ख परमेस्वर ख महिनत से ढुढत रहा।
उन न ध्यान करयो कि परमेस्वर ही उनकी चट्टान है,
सर्वोच्च परमेस्वर उनको उद्धार करन वालो।
तेभी उन न अपनो मुंड़ो से ओ ख धोका दियो,
वी ओसे झूठ बोल्या;
काहेकि परमेस्वर को लाने उनको मन स्थिर नी थो,
अऊर ओको नेम को प्रति वी सच्चा नी हता।
पर परमेस्वर दयालु है, ऊ नास नी करा,
वरन् ऊ अधरम ख ढांपा है।
ओ न बार-बार अपनो घुस्सा ख लऊटा लियो,
अऊर अपनो रोस ख फिर से भड़कन नी दियो।
ओ ख याद रयो कि यी तो इंसान हुन तो नासमान है,
हवा को जसा है, जो चलते जाय है अऊर लऊट ख नी आवा।
कित्ती बार उन न निर्जन प्रदेस म
परमेस्वर से दंगा फसाद करियो,
अर ओका बंजर जमीन म निरास करियो।
वी बार-बार परमेस्वर की परीक्छा करत रा,
अऊर इस्राएल ख सुध्द ख दुखित करत रा।
उनना न तो ओकी तागत को ध्यान करयो, अऊर न ऊ दिन को,
जब परमेस्वर न ओका बैरी हुन से उद्धार करयो रहा;
जब ओ न मिस्र देस म अपनो चिन्न दिखायो रा,
सोअन को छेत्र पा अचरज ख काम करिया रा।
परमेस्वर न मिस्र की नद्दि हुन की धारा ख खुन म बदल दियो रा,
अर मिस्र देस की नद्दी हुन को पानी पी नी सक्या।
परमेस्वर न उनमा डाँच मक्खिय ख भेज्यो,
जिन न उनका चाब्यो; ओ न मेंढक भेज्यो, जिन न उनका सतायो।
ओ न उनकी फसल ख कीड़ा हुन न खलायो,
अऊर उनकी खेतीबाडी की फसल कीड़ा हुन न नास कर दियो।
ओ न उनकी अंगूर की बेला गार हुन (ओला) से, अर
गूल्लर को झाड़ धुंधार (तुसार) से खतम कर दियो।
ओ न उनका ढोर हुन पा गार (ओले) बरसायो,
भेड़-बकरी हुन पा बिजली गिरई, अर मार डाल्यो
उन पा अपनो खुब घुस्सा रोस, कोप, संकट
विपत्ति डालन वाला दूत हुन ख भेज्यो।
ओ न अपनी घुस्सा को दुवार खोल दियो,
अर उनको जीव हुन ख मऊत से नी बचायो,
पर उनकी जिन्दगी बड़ी माहामारी से मार डाल्यो।
ओ न मिस्र देस म पुरा पहिलोटा हुन ख,
हाम को तंम्बू म पैदा भया इंसान ख
पहलो पोरिया हुन था खतम कर दियो।6
पर ओकी प्रजा लोग हुन ख भेड़-बकरी हुन को जसो पार करायो,
अऊर जंगल म उनकी देखरेख ढोर बईल हुन को झुण्ड को जसी करी।7
ऊ उनका सुरक्छित ले गयो;
एकोलाने वी बिलकुल नी डरिया।
पर उनका दुस्मन समुंदर म डुब
गयो! 8
तब ओना उन ख अपनी पवित्र देस की सीवाना पर,
यूई पहाड़ी देस पा ले आयो
जे ओना अपनो जेवनो हात से प्राप्त करियो रहा।
ओ न उनको जोने से दुसरी समाज वाला ख निकाल दियो,
अऊर उनकी जमीन ख नापन कि डोरी से बाँट दियो;
ओ न इस्राएल ख कुल हुन ख उनको डेरा हुन म बसा दियो।9
फिर भी उन न सर्वोच्च परमेस्वर ख परख्यो की,
ओको खिलाप बोल्या, अर ओकी नेम हुन को पालन नी करियो।
उन न ओसे मुंड़ो फेर ख अपना पूर्वज हुन को जसो विद्रोही अऊर भरोसा ख टोड़ियो,
वी धोखा देनेवालो धनुस को जसो हता, दूसरी तरफ मुड़ गया।
पहाड़ की छेंड़ी हुन पा वेदी हुन बनाय ख
उन न परमेस्वर ख नाराज करियो;
उन न मूर्ति हुन बनाय ख ओका घुस्सा वालो बनायो।
परमेस्वर न यू सुनो ते ऊ गुस्सा से भर गयो।
ओ न इस्राएल लोग हुन ख पुरो तरीका से: त्याग दियो।
ओ न सीलो को निवास, अनेकी ऊ तम्बू ख जो
ओ न इंसान हुन को बीच खड़ो करियो रा, त्याग दियो,10
अऊर ओ न अपनो दुस्मन ख वाचा ले सन्दुक प;
कबजा करन को नेम दे दियो।
जे ओकी सक्ति अऊर महिमा को प्रतीक थो11
ओ न अपना खुदका इंसान हुन ख तरवाल ख सोप दियो;
अपनो भाग पर ही ओको कोप भड़को।
उनका इंसान हुन ख आगी म मार दियो गयो,
उनकी जवान पोरी कुवारी ही रह गयी।
उनका याजक तरवाल से मारिया गया,
उनकी विधवा सोक गीत नी गा सकी।
तब स्वामी मानो नींद से जाग उठियो,
लड़ाकू (योद्धा) को जसो, जो नसा को कारन
ललकारता है।
ओ न अपनो दुस्मन हुन ख मार ख पीछे हटा दियो;
उनका सदा को लिए ओ न अपमानित करियो।
ओ न यूसुफ को तम्बू त्याग दियो;
ओ न एप्रैम गोत ख नी चुन्यो;
पर यहूदा ही को गोत ख, सिय्योन पर्वत ख चुन्यो,
जेसे ऊ प्रेम करा है।
ओ न आकास को समान ऊँचो पवित्र स्थान बनायो,
अर पृथ्वी को समान ओका दृढ़ करियो;
ओ न सदा को लिए ओका स्थापित करियो।
ओ न अपनो सेवक दाऊद ख चुन्यो,
अऊर भेड़साला म से ले लियो।12
जाहा ओ न अपनो दुध पिलावन वाली;
भेड़ हुन की झुंड की देखरेख करियो,
अऊर ओ न याकूब की अनेकी,
ओको निज भाग इस्राएल की चरवाही करे।
दाऊद न सुद्ध मन से उनकी रखवाली करी,
अर बुद्धिमानी से उनकी अगुवाई करियो।
Source notes (12)
- Cross-reference निर्गमन 14:21; 22
- Cross-reference निर्गमन 13:21,22
- Cross-reference निर्गमन 17:6; यसायाह 48:21
- Cross-reference यूहन्ना 6:31
- Cross-reference निर्गमन 16:2-15; गिनती 4:11-23
- Cross-reference निर्गमन 12:29
- Cross-reference निर्गमन 22:17-22
- Cross-reference निर्गमन 14:26-28
- Cross-reference यहोसू 11:16-23
- Cross-reference यहोसू 18:1; यिर्मयाह 7:12-14
- Cross-reference 1 समूएल 4:4-22
- Cross-reference 1 समूएल 14:11-12
Mehra. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.