भजन 74

देस को बचाव को लाने प्रार्थना

आसाप को मस्कील

1हे परमेस्वर, तू न हमका काहे सदा को लाने छोड़ दियो है?

तोरी घुस्सा की आग को धूआँ तोरी चराई की भेड़ा हुन को खिलाफ काहे उठ रयो है?

2अपनी अपनी मण्डली ख जे ख तू न पुरानो जमाना म मोल लियो रा,

अऊर अपनो खुद को हिस्सा को गोत होन को लाने छुड़ा लियो रा,

अऊर यू सिय्योन पहाड ख भी, जेपर तू न वास करो रा, ध्यान कर!

3अपनो पाँय ख अनन्त खण्डहर हुन को तरफ बढ़ा;

अनेकी वी सब बुरई हुन को तरफ जे दुस्मन न पवित्रजगा म करी है।

4तोरा बैरी तोरो पवित्रजगा को बीच गरजते रहे है;

उन न अपनी ही झंड़ा हुन ख चिखान ठहरायो है।

5वी उन इंसान हुन को जसो हता

जे घनो जंगल को झाड़ हुन प कुल्हाड़ा हुन चलावा है;

6अऊर अब वी ऊ मंदिर की नक्कासी ख,

कुल्हाड़ी हुन अऊर हतोड़ा हुन से बिलकुल तोड़ डाला है।

7उन न तोरो पवित्रजगा ख आगी म झोंक दियो है,

अऊर तोरो नाम को निवास ख गिरा ख असुद्ध कर डालो है।

8उन न मन म कहयो है, हम इनका एकदम दबा दे;

उन न यू देस म परमेस्वर की सब सभा-जगा हुन ख फूँक दियो है।

9हम ख हमरो निसान नी दिख पड़ा; अब कोई नबी नी रहयो,

न हमरो बीच कोई जाना है कि कब लक या दसा रहेगी।

10हे परमेस्वर, बैरी कब लक मजाक करते रहेगो?

का दुस्मन तोरो नाम की बुरई सदा करते रहेगो?

11तू तोरो जेवनो हात काहे रोक ख रहवा है?

ओ ख अपनो छाती से निकाल ख उन को अंत कर दा।

12परमेस्वर तो कई जमाना से मोरो राजा है,

ऊ धरती प उद्धार को काम करते आयो है।

13तू न तो अपनी सक्ति से समुंदर ख दो भाग कर दियो;

तू न तो पानी म मगर हुन की मुंडी हुन ख फोड़ दियो।1

14तू न तो लिव्यातान2 हुन नाम को पानी रहन वालो

जीव ख मुंडी टुकड़ा टुकड़ा कर ख जंगली जानवर हुन ख खला दियो है।

15तू न तो सोता खोल ख पानी की धार बहई,

तू न तो बारा मासी नद्दी हुन ख सुखा डालयो।

16दिन तोरो है रात भी तोरी है;

सूरज अऊर चंद्रमा ख तू न रोक ख रखो है।

17तू न तो धरती की सब सीमा हुन ख ठहरायो;

धूपकाला अऊर जाड़ा दोई तू न ठहरायो है।

18हे यहोवा, याद कर कि दुस्मन न नामधराई करी है,

अऊर मूढ़ इंसान हुन न तोरो नाम की बुरई करी है।

19अपनी कबुतरी को प्रान ख जंगली जानवर हुन को बस म मत कर;

अपना दिन जन हुन ख सदा को लाने मत भूला।

20अपनी वाचा की सुधि ले; काहेकि देस को अन्धेरो से भर जगा;

अत्याचार हुन से से भरपूरी गयो है।

21पिसिया वाला जन ख बेज्जती हो ख लोउटनो नी पड़े;

गरीब लचार इंसान तोरो नाम की बड़ाई करन पाय।

22हे परमेस्वर, उठ, तोरो मुकदमा खुद ही लड़;

तोरी जो नामधराई मूढ़ दुवारा दिन भर होते रहवा है, ओ ख ध्यान कर।

23अपना बैरी हुन को बड़ो बोल मत भूला,

तोरा बैरी हुन को कल्ला तो हमेसा उठते रहवा है।