भजन 73

तीसरो भाग

(भजन 73—89)

परमेस्वर को न्याय

आसाप को भजन

1सचमुच इस्राएल को लाने अनेकी

सुद्ध मनवालो को लाने परमेस्वर भलो है।

2मोरा पाय तो उखड़नो चाहत रा,

मोरा पाय खिसलन ही प हता।

3काहेकि जब मी दुस्ट हुन की सफलता देखत रा,

तब वी घमण्डी हुन को बारे म जलन करत रा।

4मऊत लक उनमा दुख को बारे म कोई कुछ भी मालुम नी थो

उनको सरीर चोक्खो अऊर ठीक थो।

5उनका दुसरा इंसान हुन को जसो कस्ट नी होवा;

अऊर दुसरा इंसान हुन को जसो उन प आफत नी पड़ा।

6यू कारन अहंकार उनको गला को फंदा बनो है;

उनको ओढ़ना उपद्रा है।

7उनकी आँखी हुन चर्बी से झल्का है,

उनको मन की भावना हुन उमंडा है।

8वी ताना मारा है, अऊर बुरई से अंधेर;

की बात बोला है; ऊ डींग मारा है।

9वी मानो स्वर्ग म बठिया हुया बोला है,

अऊर वी धरती म बोलते फिरा है।

10एकोलाने ओकी जनता इधर लोउट आएँगो,

अऊर उन ख भरयो हुयो कप को पानी मिलेगो।

11फिर वी कहवा है, परमेस्वर कसो जाना है?

का परमप्रधान म कुछ ग्यान है?

12देखो, यी तो दुस्ट इंसान हुन है,

तेभी सदा आराम से रैय ख,

धन दोलत जोड़ते रहवा है।

13हकीगत, मी न मोरो मन ख बेकार म सुद्ध करयो

अऊर अपना हात हुन ख बेगुना म धोयो है;

14काहेकि मी दिन भर मार खाते आयो है

अऊर हर पहट ख मोरी ताड़ना होते आई है।

15अदि मी न कहयो होतो, मी असो ही कहूंगो,

ते देख मी तोरी अवलाद को संग बुरई को बरताव करतो।

16जब मी सोचन लग्यो कि ऐखा मी कसो समझू,

ते या मोरी नजर म बेजा कठिन समस्या हती,

17जब लक कि मी न परमेस्वर को पवित्र जगा म जा ख

वी इंसान हुन को परिणाम ख नी सोचा।

18हकीगत म तू उनका खिसलनवाली जगा म रखा है;

अऊर गिरा ख सत्यानास कर देवा है।

19अहा, वी पल भर म कसा उजड़ गया है!

वी मर गया, वी खंद्राते खंद्राते नास हो गया है।

20जसो जागन हारो सपना ख तुच्छ जाना है,

वसो ही हे प्रभु जब तू उठेगो,

तब उन ख छाय जसो समझ कर बेकार जानेगो।

21मोरो मन तो कड़वो हो गयो रा,

मोरो मन तो छिद गयो रा,

22मी तो ढोर सरीको हतो, अऊर समझ नी रा,

मी तोरो संग रैय ख भी, ढोर बन गयो रा।

23तेभी मी हर पल तोरो संग ही हतो;

तू न मोरो जेवनो हात ख पकड़ रखयो।

24तू सलह देते हुए, मोरी अगुवाई करेगो,

अऊर तब मोरी मान सम्मान कर ख मो ख अपनो जोने रखेगो।

25स्वर्ग म मोरो अऊर कोन है? तोरो संग रहते हुए;

मी धरती प अऊर कुछ नी चाहूँँ।

26मोरो सरीर अऊर मन दोई तो हार गया है,

पर परमेस्वर हमेसा को लाने मोरो भाग;

अऊर मोरो मन की चट्टान बनियो।

27जे तो से दूर रहवा है वी नास होएगो;

जे कोई तोरो खिलाप व्यभिचार करा है,

ओको तू नास करा है।

28पर परमेस्वर को जोने रहनो, यूई मोरो लाने भलो है;

मी न प्रभु यहोवा ख अपनो सरण जगा मानयो है,

जेसे मी तोरा सब काम हुन को बखान करूँ।