भजन 69

मुसीबत म मदद को लाने हाका

प्रधान बजानवाला हुन को लाने सोसन्नीम राग म दाऊद को गाना

1हे परमेस्वर, मोरो बचा ल,

काहेकि मी पानी म डूबो जाऊ है।

2मी बड़ो दलदल म धँसो जाऊ है,

अऊर मोरा पाय कही नी रुका;

मी गहिरो पानी म आ गयो,

अऊर लहर म डूबो जाऊ है।

3मी हाका देते देते थक गयो,

मोरो गला सूख गयो है;

अपनो परमेस्वर की रस्ता देखते देखते,

मोरी आँखी हुन धुँधली पड़ गई है।

4जे बे वजे से मोरा बैरी है, वी गिनती म मोरा मुंडी ख बाल हुन से जादा है;

मोरो बर्बाद करनवाला जे बेकार मोरो दुस्मन है,

वी ताकतवार है, एकोलाने जो मी न लूटो नी ऊ भी मोका देनो पड़ो।

5हे परमेस्वर, तू तो मोरी मूर्खता ख जाना है,

अऊर मोरा दोस तो से छिपिया नी है।

6हे प्रभु, हे सेनाओं को यहोवा, जे तोरी रस्ता देखा है,

उनकी आस मोरो वजे से नी टूटा;

हे इस्राएल को परमेस्वर, जे तो ख ढूंढा है,

उनको मुंडो मोरो वजे से कालो नी होय।

7तोरो ही वजे से मोरी बदनामी भई है,

अऊर मोरो मुंडो लाज से ढँपियो है।

8मी मोरा भई हुन को सामने अजनबी भयो,

अऊर मोरा सगा भई हुन की नजर म परदेसी ठैरो है।

9काहेकि मी तोरो भवन की धुन म जलते-जलते भस्म भयो।

अऊर जे बुरई वी तोरी करा है, वही बुरई मोका सैहनी पड़ी है।

10जब मी रो ख अऊर उपास कर ख दुख उठात रहा,

तब ओ से भी मोरी नामधराई ही भई।

11जब मी बोरा को कपड़ा पहिनियो थो,

तब इंसान मोरो मजाक उड़ावत।

12फाटक को जोने बठनवाला मोरो बारे म बातचीत करा है,

अऊर मंद पीवनवाला मो प लगन वालो गाना गाय है।

13पर हे यहोवा, मोरी प्रार्थना तो तोरी खुसी को बखत म होय रही है;

हे परमेस्वर, तोरी करूणा को बेजा होनो से,

अऊर उद्धार को अपनो सच्चो वादा को अनुसार मोरी सुन ला।

14मो ख चिखल म से निकाल कि मी धँस नी जऊ;

मी मोरा बैरी हुन से, अऊर गहिरो पानी म से बच जाऊ है।

15मी लहर म डूब नी जाऊ, अऊर नी मी गहिरो पानी म डूब मरूँ,

अऊर नी पाताल को मुंडो मोरो ऊप्पर बंद हो।

16हे यहोवा, मोरी सुन ले, काहेकि तोरो किरपा उत्तम है;

अपनो दया को बेरान को अनुसार मोरा तरफ ध्यान दे।

17अपनो दास से अपनो मुंडो मत मोड़ा;

काहेकि मी मुसीबत म है, फुर्ती से मोरी सुन ल।

18मोरो नजिक आ ख मोका छुड़ा ल,

मोरा दुस्मन हुन से मो ख छुटकारा दे।

19मोरी नामधराई अऊर लज्जा अऊर बदनामी ख तू जाना है

मोरा सब बैरी तोरो सामने है।

20मोरो मन नामधराई को वजे से फट गयो, अऊर मी खूब उदास है।

मी न कोई तरस खानवालो की आस तो करी,

पर कोई ख नी पायो, अऊर सांति देन वालो ख ढूंढते तो रयो,

पर कोई नी मिलो।

21इंसान हुन न मो ख खान को लाने जहर दियो,

अऊर मोरी प्यास बुझान को लाने मोका सिरका1 पिलायो।2

22उनको खाना उनको लाने फन्दा हो जाए;

अऊर उनको सुख को बखत जाल बन जाय।

23उनकी आँखी प अन्धेरो छा जाय, ताकि देख सकहे;

अऊर तू उनकी कमर ख निरन्तर कँपाते रैय।

24उनको ऊपर अपनो रोस भड़का,

अऊर तोरो घुस्सा की आँच उनका लगे।

25उनकी तिरपाल उजड़ जाए,

उनको डेरा म कोई नी रैय।3

26काहेकि जे ख तू न मारयो, वी ओको पीछे पड़िया है,

अऊर जे ख तू न घायल करयो, वी उनको दरद को चर्चा करा है।

27उनको अधरम प अधरम बढ़ो;

अऊर वी तोरो धरम ख प्राप्त नी करहे।

28उन को नाम जीवन की किताब म से काटयो जाए,

अऊर धर्मी हुन को संग लिखो नी जाए है।

29पर मी तो दुखी अऊर पीड़ित है, एकोलाने है

हे परमेस्वर, तू मोरो उद्धार कर ख मोका ऊँचो स्थान प बैठा।

30मी गाना गा ख परमेस्वर को नाम की बड़ाई करूंगो,

अऊर धन्यवाद करते हुयो तोरी बड़ाई करूंगो।

31यू यहोवा ख बईल से जादा,

वरन् सींग अऊर खुरवाला बईल से भी जादा भाएगो।

32नम्र इंसान ऐ ख देख ख खुस होएगो,

हे परमेस्वर ख खोजी हुन, तुमरो मन हरो हो जाए।

33काहेकि यहोवा गरीब लचार हुन को तरफ कान लगवा,

अऊर अपना इंसान हुन ख जे बन्धी है तुच्छ नी जाना।

34स्वर्ग अऊर धरती ओकी बड़ाई करहे,

अऊर समुंदर अपना सब जीव जन्तु हुन समेत ओकी बड़ाई करे।

35काहेकि परमेस्वर सिय्योन सहर को उद्धार करेगो,

अऊर यहूदा को सहर हुन ख फिर बसाएगो;

अऊर इंसान फिर वहां बस कर अधिकारी हो जाएगो।

36परमेस्वर को सेवक हुन को वंस ओका अपनो हिस्सा म पाएगो,

अऊर ओका नाम ख प्रेमी ओ म वास करेगो।