भजन 68

इस्राएल की जीत को गाना

प्रधान बजानवाला हुन को लाने दाऊद को भजन

1परमेस्वर उठे, ओका दुस्मन तितर-बितर होय;

अऊर ओका बैरी ओको जोने से भग जाय!

2जसो धूआँ उड़ जाय है, वसो ही तू उन ख उड़ा दे;

जसी मोमबत्ती आगी की आँच से पिघल जाय है,

वसो ही दुस्ट इंसान परमेस्वर की जोने से नास होय।

3पर धरमी मगन होय, वी परमेस्वर को आगु खुस होय;

वी खुसी म मगन होय!

4परमेस्वर को गाना गाव, ओको नाम को भजन गाव;

जे बिन पानी को देस हुन म सवार हो कर चला है,

ओको लाने सड़क बनाव; ओको नाम यहोवा है,

एकोलाने तुम ओको सामने खुसी होव!

5परमेस्वर अपनो पवित्र जगा म,

अनाथ हुन को बाप अऊर विधवा हुन को न्यायी है।

6परमेस्वर अनाथ हुन को घर बसावा है;

अऊर बन्धी हुन ख छुड़ा ख खुस करा है;

पर हठीला हुन ख सूखी जमीन प रहनो पड़ा है।

7हे परमेस्वर, जब तू अपनी जनता को आगे आगे चलत रहा,

जब तू निर्जल जमीन म सेना सहीत चलो,

(सेला)

8तब धरती काँपन लगी, अऊर बददल भी परमेस्वर को आगु बरसन लगो,

उते सीनै पहाड1 परमेस्वर,

हाँ इस्राएल को परमेस्वर को सामने काँप उठियो।

9हे परमेस्वर, तू न बेअरनाब की बारीस करी;

तोरो खुद को हिस्सा बहुत सूखो थो, पर तू न ओका हरो-भरो करियो है;

10तोरा इंसान ओ म बसन लगिया;

हे परमेस्वर, तू न अपनी भलई से दीन जन को लाने तैयारी करी है।

11प्रभु न आग्या दे है,

तब सुभ समाचार सुनानवाली ओरत हुन की बड़ी संख्या हो जाय है।

12राजा अपनी अपनी सेना समेत भगते चला जाय है,

अऊर घर प रहन वाली ओरत हुन लूट को माल ख बाँट लेवा है।

13का तू भेड़साला को बीच लेट जाएँगो,

अऊर असी कबूतर को जसो होएँगो

जेका पंख चाँदी सा अऊर जेका पंख पीलो सोना से मढ़ियो जसो होय?

14जब सर्वसक्तिमान न ओ म राजा हुन ख तितर बितर कियो,

तब मानो सल्मोन पहाड प बरफ पड़यो।

15बासान को पहाड़ परमेस्वर को पहाड़ है;

बासान को पहाड़ बेजा ऊँचो पहाड़ है।

16पर हे ऊँचो वाला पहाड़ हुन,

तू काहे ऊ पहाड ख घूरा है,

जे ख परमेस्वर न अपनो वास को लाने चाहयो है,

अऊर जिते यहोवा सदा वास करो रहेगो?

17परमेस्वर ख रथ बीस हजार, वरन् हजारो हजार हैं;

प्रभु उनको बीच म है, जसो सीनै पवित्र जगा म है।

18तू ऊँचो पर चढ़ो, तू इंसान हुन ख गुलामी म ले गयो;

तू न इंसान हुन से, वरन् हठीला इंसान हुन से भी भेंट हुन ली,

जे से यहोवा परमेस्वर उन म रहयो करे।

19धन्य है प्रभु, जे रोजदिन हमरो बोझ उठावा है;

उई हमरो उद्धार करन वालो परमेस्वर है।

(सेला)

20उई हमरो लाने बचानवालो परमेस्वर ठैरो;

यहोवा प्रभु मऊत से भी बचावा है।

21हकीगत परमेस्वर अपना दुस्मन हुन की मुंडी प,

अऊर जे अधरम को रस्ता प चलते रहवा है,

ओकी बाल भरी सिर पर मार मार ख ओ ख चूर करेगो।

22प्रभु न कहयो है, मी उन ख बासान से निकाल लाऊँगो;

मी उन ख गहिरो सागर को तल से भी फेर ले आऊंगो,

23कि तू अपनो पाय ख खून म डुबोए,

अऊर तोरा दुस्मन तोरा कुत्ता हुन को हिस्सा ठैरे।

24हे परमेस्वर, तोरी जीत को जुलूस देखी गई,

मोरो परमेस्वर, मोरो राजा की गति पवित्रजगा म दिखई दी है;

25गानवाला आगे आगे अऊर तारवाला बाजा हुन ख बजानवाला पीछे पीछे गया,

चारी तरफ कुंवारी पोरी हुन डफ बजात रहा।

26सभा हुन म परमेस्वर को,

हे इस्राएल को वंस से निकलिया वाला व्यक्ति हुन,

प्रभु को धन्यवाद करो।

27वहां उनको अध्यक्छ छोटो बिन्यामीन है,

वहां यहूदा ख हाकिम अपना समूह हुन सहीत है,

वहां जबूलून अऊर नप्ताली ख भी हाकिम है।

28तोरो परमेस्वर न आग्या दी कि तो ख सक्ति मिले;

हे परमेस्वर, जे कुछ तू न हमरो लाने करयो है, ओसे पक्को रव।

29तोरो मंदिर को वजे से जे यरूसलेम म है,

राजा तोरो लाने भेंट ले आएँगो।

30बर्रू घास म रहन वाला बनैला ढोर हुन ख, साँड़ हुन को झुण्ड ख,

अऊर देस देस ख बच्छा हुन ख झिड़क दा।

वी चाँदी ख टुकड़ा हुन ले ख प्रणाम करेगो;

जे इंसान युद्ध से खुस रहवा है, ओ न उन ख तितर बितर करयो है।

31मिस्र से अधिकारी आएँगो;

कूसी देस को लोग अपना हात हुन ख परमेस्वर को तरफ फुर्ती से फैलाएँगो।

32हे धरती प ख राज्य राज्य ख व्यक्ति हुन,

परमेस्वर को गाना गाव; प्रभु को भजन गाव,

(सेला)

33जे सबसे ऊँचो सनातन स्वर्ग म सवार हो ख चला है;

देखो ऊ अपनी वाणी सुनावा है, ऊ गंभीर वाणी सक्तिसाली है।

34परमेस्वर की सामर्थ्य की बड़ाई करो,

ओको प्रताप इस्राएल पर छायो हुयो है,

अऊर ओकी सक्ति आकासमंडल म है।

35हे परमेस्वर, तू अपनो पवित्र जगा हुन म भययोग्य है,

इस्राएल को परमेस्वर ही अपनी इंसान हुन ख

सामर्थ्य अऊर सक्ति को देन वालो है।

परमेस्वर धन्य है।