भजन 51

पाप-छमा को लाने प्रार्थना

प्रधान बजावनवाला हुन को लाने दाऊद को भजन, जब नातान नबी ओको जोने एकोलाने आयो कि ऊ बतसेबा को जोने गयो रह

1हे परमेस्वर, अपनी किरपा को हिसाब से मो प दया कर;

अपनी बडी दया को हिसाब से मोरो गुना हुन ख मिटा दा।

2मो ख भलो भाँति धो ख मोरो अधरम दूर कर,

अऊर मोरो पाप छुड़ा ख मो ख सुद्ध कर।

3मी ते अपनो गुना हुन ख जानू है,

अऊर मोरो पाप हमेसा मोरी नजर म रहवा है।

4यहोवा मी न केवल तोरो ही खिलाप पाप करियो,

अऊर जे तोरो नजर म बुरो है,

उही करयो है;

ताकि तू बोलन म धरमी अऊर न्याय करन म बेगुना ठैरे।1

5देख, मी अधरम को संग पैदा भयो,

अऊर पाप को संग अपनो माय को कोक म पड़यो।

6देख, तू हृदय को सच्चई से खुस होवा है;

अऊर मोरो मन म ही ग्यान सिखाएगो।

7जूफा2 को पोऊदा से मी सुद्ध कर, ते मी सुध्द हो जाऊंगो;

मो ख धो, अऊर मी बरप से भी जादा स्वेत बनूंगो।

8मो ख आनन्द अऊर खुसी की बात हुन सुना,

जसो जे हड्डी हुन तु न तोड़ डाली है, ऊ मगन हो जाहे।

9अपनो मुंडो मोरो पाप हुन को तरफ फेर ल,

अऊर मोरो पुरो अधरम को काम हुन ख मिटा डाल।

10हे परमेस्वर, मोरो अन्दर सुद्ध मन पैदा कर,

अऊर मोरो भीतर स्थिर आत्मा नयो सिर हुन से पैदा कर।

11मो ख अपनो सामे से निकाल दा,

अऊर अपनो सुध्द आत्मा ख मो से अगल मत करा।

12अपनो करयो हुयो उद्धार की खुसी मो ख फिर से दे,

अऊर उद्धार आत्मा दे ख मो ख सम्भाल।

13तब मी अपराधी हुन ख तोरो रस्ता सिखाऊँगो,

अऊर पापी तोरो तरफ फिरेगो।

14हे परमेस्वर, हे मोरो उद्धारकर्ता परमेस्वर,

मो ख हत्या को गुना से छुड़ा ल,

तब मी जीब से तोरी धरम को जयजयकार करन पाऊंगो।

15हे प्रभु, मोरो मुंडो खोल दा

तब मी तोरो गुणानुवाद कर सकूंगो।

16काहेकि तू पसुबलि से खुस नी होवा, नी ते मी देतो;

आगी बलि से भी तू खुस नी होवा।

17टूटो मन परमेस्वर को लायक बलिदान है; हे परमेस्वर;

तू टूटा अऊर पिसा हुओ मन ख तुच्छ नी जानह।

18खुस हो ख सिय्योन की भलई कर,

यरूसलेम को दिवाल ख तू बना,

19तब तू धरम को बलिदान हुन से

अनेकी पुरो पसु हुन को आगीबलि से खुस होवा;

तब इंसान तोरो वेदी प गोरा (साँड़) चढ़ाएगो।