भजन 50

सच्ची आराधना

आसाप को भजन

1सर्वसक्तिमान परमेस्वर यहोवा न कयो है;

अऊर सूरज उगते बाजू से लेकर दिन डुबते लक धरती को इंसान हुन ख बुलायो है।

2परमेस्वर सिय्योन से चमकतो है,

अऊर जो अपनो सुन्दरता म परिपूर्ण सहर है।

3हमरो परमेस्वर आएँगो अऊर चुपचाप नी रहेगो,

आगी ओको आगे आगे भस्म करते जाएगो;

अर ओको चारी ओर बड़ी धुंध चलेगो।

4वी अपनी प्रजा को न्याय करन को लाने

ऊप्पर को बध्दल ख अर धरती ख भी चिल्लाएगो।

5मोरो भक्त हुन ख मोरो जोने इकट्ठो करो,

जिन न बलिदान चढा ख मोरो से वाचा बाँधी है!

6स्वर्ग परमेस्वर को धरमी होवन को परचार करेगो

काहेकि परमेस्वर ते तुम ही न्यायी है।

(सेला)

7हे मोरी प्रजा, सुन, मी बोलू है,

अऊर हे इस्राएल, मी तोरो बारे म गवाई देऊ है

परमेस्वर तोरो परमेस्वर मीच ही आय।

8मी तो प तोरो पसु की बलि हुन को बारे म दोस नी लगावा,

तोरो आगी की बलि ते रोज हमेसा मोरो लाने चढा है।

9मी नी तो तोरो घर से बईल

नी तोरो ढोर को कोठा से बकरा लूंगो।

10काहेकि जंगल को सबरो जीव-जन्तु

अर हजार पहाड़ हुन को ढोर हुन मोरो ही है।

11पहाड़ हुन को सबरा पक्छी हुन ख मी जानू है,

अर बर्रा प चलन फिरन वाला ढोर हुन मोरा ही है।

12अदि मी भूखो होतो ते तोरो से नी कहतो;

काहेकि दुनिया अर जो कुछ ओ म है वी मोरो है।

13का मी बईल को मास खाऊँ,

या बकरा हुन को खून पीऊँ?

14परमेस्वर ख धन्यवाद ही ख बलिदान चढ़ो,

अऊर परमप्रधान को लाने अपनो मन्नत हुन पूरो कर।

15अर संकट को दिन मो ख चिल्ला; मी तो ख छुटाऊँगो,

अर तू मोरी बड़ाई करन पाएगो।

16पर दुस्ट से परमेस्वर कहवा है,

तो ख मोरो नेम हुन को बखान करन से का काम?

तू मोरो वाचा की चर्चा काहे करा है?

17तू ते सिक्छा से दुस्मनी करह,

अर मोरो वचन हुन ख तुच्छ जाना है।

18जब तू न चोर ख देखो, तब ओकी संगत से खुस भयो;

अर परस्त्रीगामी हुन को संग सामिल भयो।

19तू न अपनो मुंड़ो बुरई करन को लाने खोलो,

अर तोरी जीभ कपट की बात हुन गढ़ा है।

20तू बैठो हुयो अपनो भई-बहिन को खिलाप बोला;

अर अपनो सगा भई-बहिन की चुगली खावा है।

21जब यू काम तू न करयो मी चुप रयो,

ते तु न सोचो की मी बिलकुल तुमरो जसो है

लेकिन मी अब तुमख दोसी ठहरायो

अऊर तुमरो सामे अपना अरोप रखियो।

22हे परमेस्वर ख भूलन वालो, यू बात भलो कई समझ लेव,

कही असो नी हो कि मी तुम ख फाड़ ख टुकड़ा टुकड़ा कर डालूं,

अर कोई छुड़ावन वालो नी होए।

23धन्यवाद को बलिदान को चढावन वालो मोरी मान महिमा करा है;

अर जो अपनो आचरण बडो रखा है

ओ ख मी परमेस्वर को कियो हुयो उद्धार दिखाऊँगो!