भजन 40

स्तुति को एक गाना

प्रधान बजानवाला को लाने दाऊद को भजन

1मी धीरज से यहोवा की रस्ता देखते रयो;

अऊर ओ न मोरी तरफ झुक ख मोरी सहायता करी अऊर दोहाई सुनी।

2ओ न मो ख सत्यानास को गड्ड़ा अर दलदल को चीखल म से निकालयो,

अर मो ख चट्टान पर खड़ो कर ख मोरा पाय हुन ख मजबूत करियो है।

3ओ न मो ख एक नयो गीत सिखायो जे हमरो परमेस्वर को स्तुति को है।

कई सारा यू देख ख डरेंगो, अर यहोवा पर भरोसा रखेंगो।

4का ही धन्य है ऊ इंसान, जो यहोवा पर भरोसा करा है,

अर घमंड़ी हुन अऊर झूठ को तरफ मुड़नवाला को तरफ मुंड़ो नी फेरत होय।

5हे मोरो परमेस्वर यहोवा,

तू न ढ़ेर सारा काम करियो है!

जो अचरज ख काम अर विचार जो तू हमरो लाने करा है

वी ढ़ेर सारा है; तोरो बराबर कोई नी!

मी तो चाहूँँ है की खोल ख उनकी चर्चा करू,

पर उनकी गिनती नी हो सका।

6पसु की बलि अर अनाज की बलि से तू खुस नी होवा

तू न मोरो कान खोद ख खोल्यो है।

आगी की बलि अर पाप की बलि तू न नी चाहयो।

7तब मी न कयो, देख, मी आयो है;

काहेकि किताब म मोरो बारे म असो ही लिखो है।

8हे मोरो परमेस्वर, मी तोरी मर्जी पूरी करन से खुस है;

अऊर तोरी कानून मोरो मन म बसी है।

9मी न बड़ी सभा म धरम को सुभ समाचार को परचार कियो है;

देख, मी न अपनो मुंड़ो बन्द नी करयो,

ओ यहोवा, तू ऐखा जाना है।

10मी न तोरो धरम मन ही म नी रख्यो;

मी न तोरी सच्चई अर तोरो करियो उद्धार की चर्चा करी है;

मी न तोरी करूणा अऊर सच्चई बड़ी सभा म लूका ख नी रख्यो।

11हे यहोवा, तू भी अपनी बड़ी दया मोपर से मत हटा लेजे,

तोरी करूणा अर सच्चई से हमेसा मोरी रक्छा होते रहे!

सहायता को लाने प्रार्थना

(भजन 70)

12काहेकि मी ढ़ेर भर की बुरई हुन से घिरयो वालो है;

मोरा अधरम ख काम हुन न मो ख आ पकडियो

अर मी नजर नी उठा सक्यो;

वी गिनती म मोरी मुंडी ख बाल हुन से भी जादा है;

एकोलाने मोरो मन टूट गयो।

13हे यहोवा, किरपा कर ख मो ख छुटा ले!

ओ यहोवा, मोरी सहायता को लाने फुर्ती कर!

14जो मोरी जान ख दुस्मन है,

वी सबरा सर्मिदा होय अऊर उनको मुंड़ो कालो होय;

अर वी पीछु हटाया अर बेज्जती करी जाय,

जो मोरी नुकसान से खुस होय है।

15जो मोसे आहा, आहा, कहा है,

वी उनकी सरम को मारे चकित जाय।

16पर जित्ता मोका ढ़ूँढ़ा है,

वी सबरा तोरो वजेसे मोहित अर मगन होय;

जो तोरो करयो उद्धार चाहवा है,

वी हमेसा कहते रया, यहोवा की बड़ाई हो।

17मी तो दीन अर गरीब लचार है,

तेभी प्रभु मोरी फिकर करा है।

तू मोरो सहायक अर छुड़ावनवालो है;

हे मोरो परमेस्वर, टेम मत करा।