भजन 39

दुखी इंसान को पस्चताप

यदूतून प्रधान बजानवाला हुन को लाने दाऊद को भजन

1मी न कहयो, मी अपनो चालचलन म चोकसी करूंगो,

ताकि मोरो जीभ से पाप नी हो;

तब लक दुस्ट मोरो नजिक है,

तब लक मी लगाम लगायो अपनो मुंड़ो बन्द करियो रहूंगो।

2मी चुपचाप हो ख गूँगो बन गयो,

अर भलई को ओर से भी चुप्पी सादो रह;

अर मोरो दुख बढ़ गयो,

3मोरो मन अन्दर च अन्दर जल रयो हतो सोचत सोचत आगी भड़क उठ;

तब मी अपनो जीभ से बोल उठियो

4हे यहोवा, असो कर की मोरो नास मो ख मालूम हो जाव,

अर यू भी की मोरो ऊमर को दिन कित्ता है;

जो मी जान लेऊं की मोरो जीवन कित्तो पल को है!

5देख, तू न मोरो ऊमर बिलास को भर रखी है,

अर मोरो हलात तोरी नजर म कुछ है ही नी।

सही म सबरा इंसान कसो भी खड़ो काहे है नी है तेभी बेकार ठहरिया है।

(सेला)

6सही म इंसान छाय जसा सा चला फिरा है;

सही म वी बेकार घबरावा है;

वी दोऊलत ख तो जोड़ा है पर नी जाना की ओका कोऊन लेगो!1

7“अब हे प्रभु, मी कोऊन बात को रस्ता देखू?”

मोरी आसा तो तोरी तरफ लगी है।

8मो ख मोरो सबरा पाप हुन को बंधन से छुटा ल।

मूढ़ी मोरी बुरई नी कर पाए।

9मी गूँगो बनो गयी अर मुंड़ो नी खोल्यो;

काहेकि यू काम तू ही न करियो है।

10तू न जे आफत मोरो प डालियो है ओ ख मो से दूर कर दे,

काहेकि मी ते तोरो हात को मारनो से भस्म होते जाऊ है।

11जब तू इंसान ख अधरम को कारन डाँट-डपट कर ताड़नो देवा है;

तब तू उसकी खुबसुरत ख फुदली हुन को जसो नस्ट करा है;

सही म सबरा इंसान फालतु म घमण्ड करा है।

(सेला)

12हे यहोवा, मोरी प्रार्थना सुन,

अर मोरी दोहाई पर कान लगा;

मोरो रोनो सुन कर सान्त मत रह!

काहेकि मी तोरो संग एक परदेसी यातरी को जसो रहू है,

अर अपनो सबरा सायना हुन को जसो परदेसी है।

13हे परमेस्वर, एसे पहलो की मी इते चलो जाऊं अर नी रह जाऊं,

मो ख बचा ला जो मी सुख जिन्दगी प्राप्त करू है।