भजन 22

दुख को पुकार अऊर खुसी को गाना

प्रधान बजानवाला हुन को लाने अभ्येलेरसर हिरनी राग म दाऊद को भजन

1हे मोरो परमेस्वर, हे मोरो परमेस्वर, तू न मो ख काहे छोड़ दियो?

तू मोरी पुकार से अर मोरी सहायता करन से काहे दूर रहवा है? मोरो उद्धार किते है?1

2हे मोरो परमेस्वर, मी दिन ख पुकारू है

पर तू जवाब नी देवा; अर रात ख भी मी चुप नी रहूँ।

3पर तू जो इस्राएल की स्तुति को सिंहासन पा विराजमान है,

तू ते पवित्र है।

4हमरा पुरखा हुन तोरो ऊपर ही भरोसा रखत रा;

वी भरोसा रखत रा, अऊर तू उनका छुटाएगो रा।

5उनना तो ख पुकारियो अऊर तू न उनका छुड़ायो

वी तोरो ऊपर ही भरोसा रखत रा अऊर कभी सर्मिदा नी भया।

6पर मी तो कीड़ा है, इंसान नी; इंसान हुन म मोरी बदनामी भई है,

अऊर इंसान हुन म मोरी बेज्जती होवा है।

7वी सबरा जे मो ख देखा है मोरी हसी करा है,

अऊर ओँठ बिचकावा अर यू कहते हुयो मुंड़ मटकावा है,2

8वी कहा है, यहोवा प बेजा भरोसा कियो। “तब ऊ तो ख काहे नी बचावा है ऊ तो से खुस है ते तो ख काहे नी करा बचावा है?”3

9पर तू ही न मो ख गरब से निकालयो; जब मी, दूद-पीतो पोरिया थो,

तब ही से तू न मो ख माय को कोरा से भरोसा रखनो सिखायो।

10मी पैदा होते ही तोरो पर छोड़ दियो गयो,

माय को कोक से ही तू मोरो परमेस्वर है।

11मी तो से दूर नी होऊँ काहेकि संकट जोने है,

अऊर कोई मदद करन वालो नी।

12ढ़ेर सारो दुस्ट साँड़ हुन को जसो न मो ख घेर लियो है,

बासान को जंगल ख ताकतवार सांड़4 मोरो चारी तरफ मो ख घेर ख है।

13वी फाड़न अर गरजन वाला सेर को जसो

मो पर अपनो मुंड़ो फैलाया हुयो है।

14मी पानी को जसो बह गयो,

अऊर मोरी सबरी हड्डी हुन ख जोड़ उखड गया

मोरो मन मुलायम हो गयो,

ऊ मोरो आँग को अंदर पिघल गयो।

15मोरो बल टूट गयो

अऊर मोरी जीब अऊर मोरो तालु से चिपक गयो है

तू मो ख मार को लाने छोड़ दियो है।

16काहेकि कुत्ता हुन न मो ख घेर लियो है;

गलत काम करन वाला हुन की मण्डली मोरो चारी तरफ मो ख घेर ख है;

वी मोरा हात अऊर मोरा पाय छेदा है। 5

17मी मोरी सबरी हड्डी हुन गिन सकूँ है;

वी मो ख देखा अर देखते रहवा है।

18वी मोरो कपड़ा आपस म सब बाँटा है,

अऊर मोरो पहिनावा पर चिट्टी डाला है।6

19पर हे यहोवा, तू दूर मत रव!

हे मोरो सहायक, मोरी सहायता को लाने फुर्ती कर!

20मोरी जान ख तरवाल से बचा,

मोरी जान ख कुत्ता को पंजा हुन से बचा ला!

21मो ख सेर को मुंड़ो से बचा,

हाँ, जंगली साँड़ हुन ख सींग हुन म से तू न मो ख बचा लियो है।

22मी अपनो भाई बंद हुन को जोने तोरो नाम को परचार करूंगो;

सभा को बीच मी तोरी बड़ाई करूंगो।

23हे यहोवा ख डरवैया हुन, ओकी स्तुति करो!

हे याकूब को वंस, तुम सब ओकी महिमा करो!

हे इस्राएल को वंस, तुम ओको डर मानो!

24काहेकि ओ न दु खी ख तुच्छ नी जानयो

अऊर नी ओसे घिन करा है, अऊर नी ओसे अपनो मुंड़ो छिपावा है;

पर जब ओ न ओकी दोहाई दी, तब ओकी सुन ली।

25बड़ी सभा म मोरी स्तुति करनो तोरी ही तरफ से होय है;

मी मोरो वादा ख ओको भय रखनवाला को जोने पूरो करूँगो।

26गरीब लचार व्यक्ति खाना से पेट भरेंगो;

जो यहोवा का खोजी है, वी ओकी स्तुति करेगो।

तुमरी जान हमेसा जिन्दी रहेगो।

27धरती ख सबरा दूर-दूर देस हुन ख व्यक्ति ओका याद करेगो;

अऊर ओकी तरफ फिरेंगो; अऊर राज्य राज्य ख

सबरा कुल हुन को इंसान तोरो सामने दण्डवत करेगो।

28काहेकि राज्य यहोवा ही को है,

अर सबरी देस हुन पा ऊई प्रभुता करा है।

29धरती ख सब मोटो ताजो व्यक्ति खाना खा ख दण्डवत् करेगो;

वी सब जो मट्टी म मिल जाय हैं

और अपनी अपनी जान नी बचा सका,

वे सब ओको ही सामने घुटना टेकेंगो।

30भविस्य की पीढ़ी हुन ओकी सेवा करे,

वी आन वाली पीढ़ी प्रभु से बात करे।

31वी ओकी धरम को प्रचार करेगो,

अऊर अभी लक नी पैदा हुओ इंसान हुन ख बताएगो।

ओ न अब लक असो ही अचरज को काम कियो है।