भजन 21

जीत मिलनो पर स्तुतिगान

प्रधान बजावन वाला हुन को लाने दाऊद को भजन

1हे यहोवा तोरी सामर्थ से राजा मगन होएगो;

अऊर तोरो करो उद्धार से ऊ बेजा मगन होएगो।

2तू न ओको मनोरथ ख पूरो करो है,

अऊर ओको मुंड़ो की विनती ख तू न अस्वीकार नी करो।

(सेला)

3काहेकि तू उत्तम आसीस हुन देते हुए ओसे मिला है,

अर तू ओको सिर पा सोने को मुकुट पहिनावा है।

4ओ न तो से जीवन माँग्यो, अऊर तू न जीवन दान दियो है;

तू न ओका हमेसा हमेसा को जीवन दियो है।

5तोरी उद्धार को वजे से ओकी महिमा बड़ी है;

तू न ओ ख यस अऊर ऐस्वर्य दियो है।1

6काहेकि तू न ओका हमेसा को लाने आसीसित करयो है;

तू अपनो सामने ओका खुसी अर आनन्द से भर देवा है।

7काहेकि राजा को भरोसा यहोवा को ऊपर है;

अऊर परमप्रधान की करूणा से ऊ कभी नी टलन को।

8तोरो हात तोरो सबरा दुस्मन हुन ख ढ़ूँढ़ निकालेगो,

तोरो दाहिनो हात तोरा सबरा बैरी हुन को पता लगा लेगो।

9तू अपनो मुंड़ो को सम्मुख उनका जलतो हुयो

भट्टा को जसो जलाएगो।

यहोवा अपनी घुस्सा म उनका गिल लेगो,

अऊर आगी ओका भस्म कर डालेगो।

10तू उनकी संतान हुन ख धरती पर से,

अऊर उनको वंस ख इंसान हुन म से नास करेगो।

11काहेकि उनना तोरो नुकसान ठानियो है,

उनना असो साजिस निकालो है जेका वी पूरो नी कर सकेंगो।

12ऊ उन प अपनो तीर चढ़ाएगो,

अऊर उन ख पीठ घूमा ख भागन प मजबूर करेगो।

13हे यहोवा, तोरी सामर्थ म महान हो!

हम गा गा ख तोरो पराक्रम को भजन सुनाएँगो।