भजन 18

दाऊद को जीत को गीत

(2 समूएल 22:1-51)

प्रधान बजानवाला को लाने। यहोवा को दास दाऊद को गाना, जेको वचन ओ न यहोवा को लाने उ बखत गायो जब यहोवा न ओका ओको सारा सतरू को हात से, अऊर साऊल को हात से बचायो हतो। ओ न कहयो:

1हे परमेस्वर, हे मोरो बल,

मी तोसे प्रेम करू है।

2यहोवा मोरी चट्टान,

अऊर मोरो गढ़ अऊर मोरो छुड़ावनवालो है;

मोरो परमेस्वर, मोरी चट्टान है,

जेको मी सरणागत हूँ,

ऊ मोरी ढाल अऊर मोरी मुक्ति को सींग,

अऊर मोरो ऊँचो गढ़ है।

3मी यहोवा ख, जे स्तुति को लायक है, पुकारूँगो;

यू तरीका से मी अपनो सतरू हुन से बचायो जाऊँगो।

4मऊत की रस्सी हुन से मी चारी ओर घिर गयो है,

अऊर अधर्म की बाढ़ न मो ख भयभीत कर दियो;

5पाताल की रस्सी हुन मोरो चारो ओर हती,

अऊर मऊत को फन्दा मो प आयो हतो।

6मोरो संकट म मी न यहोवा परमेस्वर ख पुकारियो;

मी न मोरो परमेस्वर की दोहाई दी;

अऊर ओ न ओको मंदिर म से मोरी बात हुन सुनी;

अऊर मोरी दोहाई ओको जोने पहुँच ख ओका कान हुन म पड़ी।

7तब धरती हल गई, अर काँप उठी

अर पहाड़ हुन की नींव कांप ख हल गई

काहेकि ऊ बेजा जादा घुस्सा हो गयो रा।

8ओकी नाक से धूवाँ निकलो, अऊर ओको मुंड़ो से आगी निकल ख भस्म करन लगी;

जे से कोयला जलन लग गयो है।

9उ स्वर्ग ख नीचे झुका ख उतर आयो;

अर ओको तले घोर इंधारो हतो।

10उ करूब प सवार हो ख उड़ा,

वरन हवा को पंख हुन प सवारी कर ख तेजी से उड़ो।

11ओ न अन्धियारो ख ओकी लुकन की जगा

अर अपनी चारी तरफ बददल हुन को अंधियारो

अर बदल की काली बदली को मंड़ा बनायो।

12ओले अर आगी की चमक ओको जोने से बिजली से निकली

कालो बददल ख चिरती हुई निकल गई।

13तब यहोवा बध्दल म गर्जियो,

अर परमप्रधान न ओकी वाणी सुनाई, ओला अर अँगार हुन।

14ओ न ओकी तीर चला चला ख उनका तितर बितर करो;

अऊर बिजली हुन गिरा गिरा ख उनका पस्त करयो।

15तब पानी को नाला हुन दिखई पड़या,

अर दुनिया की नींव परगट भई,

या तो ओ यहोवा तोरी डाँट से,

अर तोरी नाक हुन की सांस से निकलन वाली हवा से भयो।

16ओ न ऊप्पर से हात बढ़ा ख मो ख थाम लियो,

अऊर गहिरो पानी म से खींच लियो।

17ओ न मोरो बलसाली दुस्मन से, अऊर ओ न जे मो से जलत रा,

मो ख छुटायो; काहेकि वी जादा बलसाली हतो।

18मोरा आफत ख दिन वी मो पर आ पड़या।

पर यहोवा मोरो आसरा हतो।

19ओ न मो ख निकाल ख चऊड़ो जगा म पहुँचायो,

ओ न मो ख छुटायो, काहेकि ऊ मो से खुस हतो।

20यहोवा न मो से मोरो धरम को अनुसार बर्ताव करयो;

अर मोरो हात हुन की सुद्धता को अनुसार ओ न मो ख पुरुसकार दियो।

21काहेकि मी यहोवा को रस्ता हुन पर चलते रयो,

अर बुरई को काम को वजे से मोरो परमेस्वर से दूर नी भयो।

22काहेकि ओका सबरा निर्णय मोरो जोने बनो रैय

अऊर मी न ओकी नेम ख नी त्यागो।

23मी ओको जोने सिद्ध बनो रयो,

अऊर अधरम1 से खुदका बचायो रयो।

24अर एकोलाने ऊ मो ख धरम को अनुसार ईमान देवा

काहेकि मी उही करू है जे सही काहेकि उ जाना है कि मी बेगुना हूँ।

25भक्त जन को संग तू खुदका ख दयावान दिखावा;

अर खरो अदमी को संग तू खुदका खरो दिखावा है।

26सुध्द को संग तू खुदका सुध्द दिखावा,

अऊर टेढ़ा को संग तू टेढ़ो बना है।2

27काहेकि तू गरीब लचार व्यक्ति हुन ख तो बचावा है;

पर घमण्ड से भरी आँखी हुन ख नीचू करा है।

28हाँ, तू ही मोरो दिया ख जलावा है;

मोरो परमेस्वर यहोवा मोरो अन्धियारो ख उजियालो कर देवा है।

29काहेकि तोरी मदत से मी सेना पर धावा करूँ है;

अऊर मोरो परमेस्वर की सहायता से सहरपनाह की दिवाल ख उलाक जाऊ है।

30परमेस्वर को रस्ता सिद्ध है;

यहोवा को वचन तायो वालो है;

ऊ ओका सबरा सरण लेन वाला की ढाल है।

31यहोवा ख छोड़ का कोई परमेस्वर है?

हमरो परमेस्वर ख छोड़ का अऊर कोई चट्टान है?

32यू ऊई परमेस्वर है, जो सामर्थ से मोरो कटिबंध बाँधा है,

अर मोरो रस्ता ख सिद्ध करा है।

33ऊई मोरो पाय हुन ख हिरनी हुन को पाय हुन को जसो बनावा है,

अऊर मो ख मोरो ऊँचो जगा हुन पर खड़ो करा है।3

34ऊ मोरो हात हुन ख युध्द करनो सिखावा है,

एकोलाने मोरी बाह हुन से पीत्तल को धनुस झुक जावा है।

35तू न मो ख मोरो उद्धार की ढाल दी है,

तू तोरो दाहिनो हात से मो ख सम्भाल ख रख्यो हुए है,

अर तोरी नम्रता न महत्व दियो है।

36तू न मोरो पाय हुन को लाने जगा चऊड़ो कर दियो,

अर मोरा पाय नी खिसलियो है।

37मी मोरा दुस्मन हुन को पीछु कर ख उनका पकड़ लूंऊगो;

अर जब लक उनको अंत नी करू तब लक वापस नी लऊटन को।

38मी न उन ख मार डालियो है

ऊ अब उठ नी सका काहेकि वी मोरो नजिक हार गयो।

39काहेकि तू न युध्द को लाने मोरी कम्मर म सक्ति को पटुका बाँधयो है;

अर मोरा विरोधी हुन ख मोरो जोने झुका दियो।

40तू न मोरा दुस्मन हुन की पीठ मोरी तरफ फेर दियो,

ताकि मी उनका काट डालूं जो मो से बैर रखा है।

41उनना दुहई तो दी पर उनका कोई भी बचानवालो नी मिल्यो,

उनना यहोवा की भी दोहाई दी,

पर ओ न भी उनका जवाब नी दियो।

42तब मी न उनका कूट कूट ख हवा से उड़ई वाली धूडला को जसो कर दियो;

मी न उनका गल्ली कूचा हुन को चीखल को जसो निकाल फेकियो।

43तू न मो ख इंसान हुन को झगड़ा हुन से भी छुटायो;

तू न मो ख राज्य ख इंसान हुन को प्रधान बनायो है;

जे व्यक्ति हुन ख मी जानत भी नी रा

वी मोरो बस म हो गया।

44मोरो नाम सुनते ही वी मोरो नेम को पालन करेगो;

परदेसी मोरो वस म हो जाएंगो।

45परदेसी मुर्झा जाएंगो,

अर अपना किला हुन म से काँपते हुए निकलेंगो।

46यहोवा परमेस्वर जिन्दो है; मोरी चट्टान धन्य है,

अऊर मोरो मुक्तिदाता परमेस्वर की बड़ाई होय।

47धन्य है मोरो पल्टा लेन वालो परमेस्वर!

जेना देस देस ख व्यक्ति हुन ख मोरो वस म कर दियो है;

48अर मो ख मोरो दुस्मन हुन से छुटायो है;

तू मो ख मोरा विरोधी हुन से ऊँचो करा,

अर उपद्रवी अदमी से बचावा है।

49ऐको वजे से मी राज्य राज्य को सामने तोरो धन्यवाद करूंगो,

अर तोरो नाम को भजन गाऊंगो।

50ऊ ओको ठहरायो वालो राजा को बड़ो उद्धार करा है,

ऊ ओको अभिसिक्‍त दाऊद पर

अऊर ओको वंस पर हमेसा हमेसा को लाने करूणा करते रहेगो।