भजन 17

एक बेगुना इंसान की प्रार्थना

दाऊद की प्रार्थना

1हे यहोवा परमेस्वर धरम को वचन सुन,

मोरी पुकार की ओर ध्यान दे,

मोरी प्रार्थना की ओर जे बिन कपट मुंड़ो से निकलह है कान लगा!

2मोरो मुकद्दमा को निर्नय तोरो जोने होय,

तोरी आँखी न्याय प लगी रहे;

3तू न मोरो हृदय ख जाँचियो है; तू न रात ख मो ख देखो है,

तू न मो ख परख्यो पर कही भी खोटो पन नी पायो;

मी न ठान लियो है कि मोरो मुड़ो से अपराध करी बात नी निकलेगो।

4इंसान को काम हुन म मी तोरो मुंड़ो को वचन को दुवारा

झगड़ा करन को सो चाल से खुद ख बचायो रयो।

5मोरो पाय तोरो पथ हुन म स्थिर रहे,

फिसले नी।

6हे परमेस्वर, मी न तोसे प्रार्थना करी है,

काहेकि तू मो ख जवाब देगो।

तोरा कान मोरी तरफ लगा ख मोरी विनती सुन ल।

7तू जे अपनो दाहिनो हात को दुवारा अपनो ओको सरण लेन वालो ख

उनको सतरू हुन से बचावा है, अपनी अचरज करूणा दिखा।

8अपनी आँख हुन की पुतली को जसो सुरक्छित रख:

अपनो पंख हुन को तले मो ख छुपा रख,

9ऊ दुस्ट हुन से जे मो प हमला करह है,

मोरो प्रान ख सतरू हुन से जे मो ख घेरो हुयो है।

10उन न अपनो हृदय हुन ख कठोर करियो है;

उनको मुंड़ो से घमंड की बात निकलह है।

11उन न कदम कदम प हम ख घेरो है;

वी हम ख जमीन प पटक देवन को लाने घात लगायो हुयो है।

12उ ऊ सेर को जसो है जे अपनो सिकार की लालसा करह है,

अऊर जवान सेर को जसो घात लगावन ख जगा हुन म बैठो रहवा है।

13उठ, हे यहोवा ओको सामना कर अऊर ओ ख पटक दा

अपनी तरवाल को बल से मोरो प्रान ख दुस्ट से बचा ल।

14अपनो हात बढ़ा ख हे यहोवा, मो ख इंसान हुन से बचा,

लेकिन संसारी इंसान हुन से जिनको भाग यूही जिन्दगी म है,

अऊर जिनको पेट तू अपनो भन्डार से भरह है।

वी बाल-बच्चा हुन से सन्तुस्ट है;

अऊर सेस सम्पत्ति अपनो बच्चा हुन को लाने छोड़ जावा है।

15पर मी ते धरमी होय ख तोरो मुंड़ो को दर्सन करूँगो;

जब मी जागूँगो तब तोरो स्वरूप से सन्तुस्ट होऊँगो।