भजन 11

परमेस्वर प भरोसा

प्रधान बजानवाला को लाने दाऊद को भजन

1मी परमेस्वर कि सरण प है;

तुम कसो मोरो प्रान से बोल सकह है,

“चिड़िया को जसो अपनो पहाड़ प उड़ जा;

2काहेकि देखो, दुस्ट अपनो धनुस चढ़ावा है,

अऊर अपनो तीर धनुस की डोरी प रखह है,

एकोलाने कि सीधो मनवालो प अन्धियारो म तीर चलाएँ;

3अदि नीव हुन ढा दी जाये ते धरमी का कर सकह है?”

4परमेस्वर अपनो सुध्द भवन म है;

परमेस्वर को सिंहासन स्वर्ग म है;

ओकी आँख इंसान की सन्तान ख हमेसा देखते रहवा है।

अऊर वी जे कुछ करा है ऊ जानह है।

5यहोवा धरमी ख परखा है,

पर ऊ उन से जे दुस्ट है

अऊर उपद्रा से प्रेम रखह है

अपनी आत्मा म नफरत करह है।

6ऊ दुस्ट हुन प जलतो हुयो अंगार अऊर गन्धक बरसाएगो;

अऊर वी झुलसान वाली बड़ी लूह उन ख झेलनू पड़ेगो।

7काहेकि यहोवा धर्मी है,

अऊर धरम ख काम से प्यार करा है। जे इंसान उन ख कहवा है वी ओको सामे म जिन्दा रहेगो।