होसे 5

1अरे याजक हुन, यू बात सुनो! अरे इस्राएल को पुरो घराना, ध्यान दे ख सुनो! अरे राजा को घराना हुन, तुम भी कान लगाओ! काहेकि तुमरो न्याय करियो जाएगो; काहेकि तुम मिसपा नगर म फन्दा, अऊर ताबोर पर्वत प लगायो जाल बन गयो है। 2वी बिगड़ा हुआ न घोर हत्या करी है, ऐकोलाने मी उन सभी ख दण्ड देहूं। 3मी एप्रैम को भेद जानू है, अऊर इस्राएल की दसा मो से छुपी नी है; हे एप्रैम, तू न वेस्या को काम करियो, अऊर इस्राएल असुध्द भयो है।

मूर्ति पूजा को खिलाप होसे की चेतावनी

4उनको काम उन ख अपनो परमेस्वर की तरफ फिरन नी देवा, काहेकि गलत काम करन वाली आत्मा उन म रहवा है; अऊर वी यहोवा ख नी जानह है। 5इस्राएल को गर्व ओको खिलाप गवाही देवा है, अऊर इस्राएल अऊर एप्रैम ख अपनो पाप को लाने ठोकर खाएँगो, अऊर यहूदा भी उनको संग म ठोकर खाएगो। 6वी अपनी भेड़-बकरी हुन अऊर जानवर ले ख यहोवा ख ढूँढ़न चलेगो, पर उ उन ख नी मिलेगो; काहेकि वी उन से दूर हो गयो है। 7वी गलत काम को पोरिया जनी है; ऐसे उन न यहोवा को प्रति धोखा दियो है। यू वजे से अब नयो चाँद ओको अऊर उनको भाग हुन को नास को वजे से होयगो।

इस्राएल अऊर यहूदा को बीच म युध्द

8गिबा म नरसिंगा, अऊर रामा म तुरही फूँको। बेतावेन1 म ललकार कर ख कहयो, अरे बिन्यामीन, अपनो पिछु देख! 9न्याय को दिन म एप्रैम उजाड़ हो जाहे; जे बात को होनो पक्को है, मी न ओ की खबर इस्राएल को पुरा गोत हुन ख दियो है। 10यहूदा को हाकिम उन को जसो हुओ आय जे सीमा बढ़ा लेवा है; मी उन प अपनो गुस्‍सा पानी को जसो उण्डेलुगो। 11एप्रैम प अन्धेर करियो गयो है, ऊ मुकद्दमा ख हार गयो है; काहेकि उ मन लगा ख मुरती पूजा को रस्ता प ऊ मन लगा ख चल्यो। 12ऐकोलाने मी एप्रैम को लाने कीड़ा हुन को जसो अऊर यहूदा को घराना को लाने विनास को जसो हूँगा। 13जब एप्रैम न अपनो रोग, अऊर यहूदा न अपनो घाव देख्यो, तब एप्रैम अस्सूर को जोने गयो, अऊर यारेब2 राजा ख कहला भेजो। पर नी, उ तुम ख चोक्खो कर सका, अऊर न तुम्हारो खत्ता चोक्खो कर सका है। 14काहेकि मी एप्रैम को लाने सेर, अऊर यहूदा को घराना को लाने जवान सेर बनूँगो। मी खुद ही उन ख फाड़ ख ले जाऊ। जब मी उठा ख ले जाऊ, तब मोरो पंजे से कोई ख नी बचा सकेगो। 15जब लक वी अपनो ख दोसी मान ख मोरो दर्सन को खोजी नी होय तब लक मी अपनो जगह ख नी लोटूंगो, अऊर जब वी संकट म पडेगो, तब जी लगा ख मो ख ढूँढ़न लगेगो।3